المواطن

رئيس مجلسي
الإدارة والتحرير
مسعد شاهين

الفنانة عبير الشرقاوي تكشف عن نصب محمد سعد عليها: هقابلك عند ربنا

السبت 12/يناير/2019 - 01:18 م
الفنانة عبير الشرقاوي
الفنانة عبير الشرقاوي
سمر جمال
طباعة
كشفت الفنانة المعتزلة عبير الشرقاوي، عن الضربة التي تلقتها من الفنان محمد سعد قبل أكثر من 20 عامًا أثناء العرض المسرحي "قصة الحي الغربي" التي أخرجها والدلها جلال الشرقاوي.

واستعادت الفنانة عبير الشرقاوي على صفحتها الرسمي على موقع التواصل الاجتماعي "فيس بوك"، ذكريات ضربة الرأس التي أصابها بها الفنان محمد سعد في الأنف منذ أكثر من 20 عامًا، واصفه إياها بـ"الذكريات الموجعة".

وكتبت عبير الشرقاوي "ذكرياتى الموجعة مع محمد سعد .. سنه 98 أثناء عرض مسرحية قصة الحي الغربي أشرك والدي المخرج جلال الشرقاوي الفنان محمد سعد ومش معروف خالص و دوره في المسرحية دقيقتين في الفصل التاني، دخل وسطينا".

وأضافت الفنانة "فهم إني طيبة زيادة عن اللزوم وأمي مش مودكاني عيط لي و حكى لى إن أبوه وأمه لسه ميتين الإسبوع إللى فات وإنهم ماضيين على شيك بـ2000 وأنه لازم يسددهم وعيط، قلبي وجعني و عيط جانب، وقلت له إدينى 48 ساعة هاجيب لك الفلوس و فعلآ الحمد لله".

واستكملت "و بعد أسبوع لاقيت محمد داخل علينا المسرح بعربية فولكس فاجن تحس إنها متركبة على بع... أنا ساعتها فهمت إنه ركب العربية دي بالنصبايه إللى عاملها عليّ و حسيت إنى إضحك على، المهم إحنا كنا متفقين إنه هايبتدى يسدد لى الفلوس لما يقيض من المسرح مانا كمان كنت معتمده على مرتبي و محتاجه كل قرش بس هو طبعآ كان شايفنى زى ناس كتير بنت جلال الشرقاوي عيب يعنى إنى أتكلم في ألفين جنيه". 

وأضافت قائلة "فضلت مستنيه شهر ورا شهر إنه يبتدي يسدد مفيش، بعد سته شهور اتكلمت مع مدير المسرح المالي واتفقنا إنه هايخصم 200 جنيه كل شهر من مرتب محمد سعد علشان يسدد لى الـ 2000 على عشر شهور و قد كان".

كما كشفت عن موقف محمد سعد بعد خصم أول دفعة من مرتبه، قائله "و يوم ما اتخصم من محمد أول دفعه و أثناء العرض و بعد مشهدي الأول لحظه الإنتقال من مشهد إلى مشهد في الظلام محمد سعد ضربنى بالروسيه في مناخيرى أفقدنى الوعى". 

وفي نهاية الحديث عن ذكرياتها، وجهت الفنانة عبير الشكر للفنان محمد سعد، قائله "شكرآ يا محمد على الذكريات الجميله إللى سيبتها لى عايزة أقول لك إن المجرى التنفسى بتاع الهوى لسه معوج لحد دلوقت و هاقابلك به عند ربنا".

ads
ads
ماهو أفضل مسلسل حتى الأن في رمضان 2019؟

ماهو أفضل مسلسل حتى الأن في رمضان 2019؟
ads
ads
ads
ads
ads
ads
ads
ads
ads
ads
ads