" حبتك العافية يا بيه "، هذه كانت أشهر جملة في فيلم " أفواه وأرانب " عام 1977، بطولة القديرة فاتن حمامة والفنان محمود ياسين، ومن إخراج هنري بركات.

وتدور قصة الفيلم الذي مازال يعيش في الوجدان حتى الآن، حول الصراع بين الطبقات الاجتماعية والمشاكل التي تواجه قصص الحب التي يكون الطرفين فيها من طبقات مختلفة، بالأخص لو أحب البيه الخادمة يُهاجمه المجتمع على كيفية فعل ذلك، وحقق الفيلم نجاح كبير جدًا .

وإليكم نص مشهد في فيلم أفواه وأرانب :

- قال جواز قال، قُطُع الجواز وسنينه. يعني شافوا إيه المتجوزين غير النكد والهم والفقر.
قال أتجوَّز قال! عشان بدل ما جلابيتي تبقى برُقعة واحدة تبقى برُقعتين.
-- الله يسامحك، إنما الراجل برضه سُترة.
- لا يختي، مش أي راجل، لازم يبقى كسّيب ومتعلم، عشان عياله يطلعوا عدلين.
وإلّا إيه لازمتها، ما أنا كده عدلة وكويسة وكسّيبة أنا كمان.
قال أتجوِّز قال عشان أجيبلي 12 عيِّل، يا عيني عليهم أجيبهم في الدنيا دي عشان أزوّد الجعانين والفقرانين والجهلة.
-- انتي يختي بتجيبي الكلام الكبير ده منين؟
- من اللي انا شيفاه يختي، اللي انا شيفاه يعلّم الحجر.