تنتشر بين الفترة والأخرى العديد من التريندات والحملات على السوشيال ميديا، ومن بينهم حملة انتشرت وحدث بسببها ضجة كبيرة بين الشباب والفتيات، وهي حملة خليها تعنس، التي كان هدفها هي مواجهة ارتفاع الأسعار عند الزواج، بسبب التكاليف الباهظة التي تقع على عاتق الشباب عندما يقررون أخذ هذه الخطوة.

وفي ضوء ذلك، رصدت عدسة "بوابة المواطن" سؤال المواطنين عن حملة خليها تعنس، وجاءت الردود كالآتي:

قال أحد الشباب: "احنا بنجهز أكتر منهم اصلا انا عن نفسي مش هتجوز اصلا انا كدا عايش زي ما انا باكل وبشرب وبكلم البنات براحتي".

بينما قالت إحدى الفتيات: "طب البنات ذنبها إيه بس احنا عادي، لترد عليها الأخرى، مش عايزين نيش خلاص، والأب والأم هما اللي عايزين كدا، بس لو مش عايزنا مش عايزنهم".

وعلق أخر:" لو جاي تخطب واحدة أبوها هيطلب 70 الف دهب وعلشان تجوز محتاج نص مليون جنيه".

بينما جاء رد شاب آخر: "سمعت عن الحملة من خلال الفيس بوك، بعد اللي شفناه في 2018 بأيد الحملة جدا، والبنت بتبقى مسئولة مع الأهل على الطلبات برضو مش الأهل بس".

و خالف هذا الشاب الرأى وقال:"الفكرة غلط، ليه الأهل ميتعاونوش معانا لما بتقدملها بيطلبوا طلبات هما لو في زماننا مش هيقدروا يجيبوها".

وبينما قال الأخير مؤيد للحملة:" خليها تعنس احسن علشان احنا معناش".

اقرأ أيضا.. سألنا الناس لومراتك طلبت الطلاق علشان تاخد نص ثروتك هتعمل ايه؟..إجابات طريفة