مشاهد لا تنسى | هخليه مجذوب درويش بس يبصلي ..لو راجل يبص لعيني
246
مشهد اليوم من سلسلة مشاهد لا تنسى، هو أحد مشاهد فيلم الكيت كات للمخرج العبقري داود عبد السيد، الذي استطاع أن يبلور بعدسة كاميرته حياة الشارع المصري والشعب البسيط بأدق تفاصيله.
وفي هذا المشهد يبرز "عبد السيد" إحدى عادات المصريين المرسخة في زيارات الأضرحة، وفي الجانب الآخر يسلط الضوء على المرأة عندما تعشق وكيف يصل بها الحال عندما تشتعل نيران الحب بقلبها، جسدت دور تلك المرأة الفنانة عايدة رياض.
مشاهد لا تنسى
مابقتش عارفة طعم النوم، مصاريني بتنهش قلبي يا سيدي المغربي،روحي رايحة مني، رجعهالي!
قلبي بيتخطف لما حد يجيب سيرته قدامي، والكلب مش شايفني...
لو شافني مرة واحدة، لو بص لعيني، هخليه يسف تراب رجلي، هخرب بيته، هخليه يحس الشطة السوداني في عروقه، والنار في جوفه، والكلب السعران وهو بينهش قلبه.
هخليه مجذوب.. درويش.. بس يبصلي.. لو راجل يبصلي.. لو راجل من ضهر راجل يبص لعيني.. لو راجل، هخليه خرقة قديمة مهلهلة، هعلمه إزاي يبقي راجل، وإزاي يموت ويتعذب عشان واحدة، بس إديهوني يا سيدي المغربي. إديهوني، يا إما هموت نفسي.. أنا بحبه..
الكيت كات فيلم روائي مصري كتبه وأخرجه داوود عبد السيد عام 1991، من وحي رواية "مالك الحزين" للروائي إبراهيم أصلان.
اقرأ أيضًا: مشاهد لا تنسى | أنت شيوعي يلا ؟ أنا بتاع نسوان يابيه