المواطن

رئيس مجلسي
الإدارة والتحرير
مسعد شاهين

امرأة في مشهد| ما أقدرش أكون نبي.. ومين قالك إن أنا اقدر أكون إله

الإثنين 11/مارس/2019 - 06:01 م
امرأة في مشهد
امرأة في مشهد
ندى محمد
طباعة
تعتبر السينما ملجأ لكثير من الأفراد الذين يذهبون إليها لأنها تعبر عن أشياء بداخلهم وذلك من خلال كلمات بعض المشاهد، وبالأخص امرأة في مشهد .

امرأة في مشهد
و امرأة في مشهد اليوم من فيلم الخيط الرفيع، حيث دار المشهد بين فاتن حمامة «منى» والفنان محمود ياسين «عادل»، وكان كالآتي:

- لازم تفهمى ان فيه اصول وتقاليد لازم نراعيها
= دلوقتى بتتكلم عن التقاليد !.. كانت فين التقاليد دى ايام زمان ؟!
- دايما موجودة
= وايه اللى فتح عينيك عليها النهاردة ؟!
- المجتمع اللى احنا عايشين فيه
= تبقى غلطتى... انا اللي خدتك للمجتمع دا وعرفتك للناس
- الناس عمرها ما اعترفت بينا احنا الاتنين
= لكن اعترفت بيك لوحدك، مش كدا ؟!.. ده مجتمع جبان تقدر تفرض عليه سيطرتك لو كنت قوي
- انا مقدرش افرض اخطائى على الناس
= الناس كلها اخطاء
- لكن بيداروها
= مبيداريهاش غير الضعيف
- يعنى انا ضعيف !
= ويعنى انا خطيئتك !
- حبنا هو اللى خطيئتنا
= يبقى نصلح الخطأ ده..... نتجوز

* صمت من الطرفين *
= بس.. بس اوعى تقول ولا كلمة، انا اللى ارفض اتجوزك ارفض اتجوز انسان ضعيف زيك... حتى لو ركعت تحت رجليا
- يا منى ما تحطميش كل شئ انا بحبك، انا مش ممكن اسيبك ابدا بس خايف جوازنا يكون ضد مصلحتنا
= قول مصلحتك
- ابدا يا منى.. مصلحتنا احنا الاتنين، تفرق ايه لو نكمل حياتنا زى ما احنا عايشين.. يغير ايه من حبنا لو خليناه فى السر ! فكري فى المركز اللى وصلت له يا منى
= المركز اللى وصلت له ده الفضل ليا انا... دلوقتى بتستكتر عليا اشاركك فيه ؟!
- لا يا منى، انتى اللى عملتينى... انتى اللى خلقتى مني الانسان الناجح ده، وعلشان خاطر الانسان اللى خلقتيه حافظي عليه وصونيه
= وانا ؟!.. انا ايه نصيبي ؟!
- الخالق بيدى ما بياخدش، يكفيه عبادة خلقه... وانا بعبدك
= الخالق بيطلب من الناس انهم يعبدوه فى الجهر، انت بتعبدنى فى السر
- العبادة فى السر اخلص العبادات
= العبادة مش خطيئة.. انت بتعتبر حبك ليا خطيئة
- مش انا ده المجتمع.. مجتمع من الكافرين محدش مؤمن بيكى الا انا
= خليك نبي واُنشر دعوتك !
- ماأقدرش اكون نبي
= ومين قالك ان انا اقدر اكون إله !
- ارجوكى يا منى ماتحطميش فى لحظة غضب كل اللى بنيناه
= احنا صحيح كنا بنبى سوا... انما دلوقتى انت بتهد لوحدك

اقرأ أيضًا| امرأة في مشهد| علشان تحافظي على جمالك.. اوعي تحاولي تفهمي أي حاجة

أخبار تهمك

ads
ads
ماهو أفضل مسلسل حتى الأن في رمضان 2019؟

ماهو أفضل مسلسل حتى الأن في رمضان 2019؟
ads
ads
ads
ads
ads
ads
ads
ads
ads
ads
ads