كشفت الفنانة منة شلبي خلال حوارها ببرنامج "صاحبة السعادة"، الذي تقدمه الإعلامية إسعاد يونس على فضائية "dmc"، عن تجربتها المتميزة في فيلم "نوارة"، وعن طريقة تقمصها للشخصية.

منة شلبي في صاحبة السعادة

وقالت منة شلبي: "في فيلم نوارة، أنا بشتغل عند أستاذ محمود حميدة واحدة بتخدمه في البيت .. واشتغلت معاه كمان فى فيلم "بحب السيما" وأنا صغيرة .. وأستاذ محمود له هيبة كدة في الحقيقة فهو بيعاملني بود زي بناته .. وطول الفيلم أكيد هو أخد باله ان لا يمكن أحتك بيه وأكسر حاجز مش الإحترام  .. في كدة حاجز خشا إن أنا بخدمه في البيت مش عايزة أكسره حاجة كدة في المستوى الإنساني .. وفي الكواليس مكنتش بكسره كنت عايزة ابقى رهباه بس مش رهبة منة لأستاذ محمود.

وأضافت: كنت عايزة ابقى رهباه فرق مقام حتى ولما كنا نبقى قاعدين مكنتش اتجرأ أقرب منه، شيرين رضا بقت صديقتي جدا بعد الفيلم كنت بتعامل معاها إنها ست البيت وأنا بشتغل معاهم في البيت، نوارة أول فيلم كنت عايزة أجرب فيه التقمص وأغير جلدي حد تاني مالوش أي دعوة بيا انا مش عارفة هل هو دة تقمص أعتقد إني هبقى مغرورة لو قولت إن ده تقمص لإني مش متأكدة إني تقمصت 100%.

وأوضحت: في تراب الماس أخر حاجة دة اللي فاكراه بعد الفيلم صحباتي لما كانو يجو لي البيت وبيهزروا مكنتش بهزر وابقى رابطة دماغي زي اللي عندهم صداع قعدوا يتريقوا عليا بعدين مالك يا منة، أقول تراب الماس كنت أملس على وشي كده انا معرفش ده ايه، بس عارفه لما يكون عندي حاجة صعبة جدا خايفة جدا في الحقيقة في حياتي موجودة بس في حاجة جوة مخي كتير أوي من الواقع اللي أنا قاعدة فيكي معاه ده رايح في حتة تانية خالص مش عارفة هعمل ده إزاي.

اقرأ أيضا: منة شلبي تتصدر مؤشرات جوجل لهذا السبب؟