وظهرت واعظات وزارة الأوقاف وراهبات الكنيسة في إطار فيلم تسجيلي باسم «الدار أمان»، شاهده الرئيس عبدالفتاح السيسي في احتفالية المرأة المصرية 2019 م، يستعرضن فيه الجهود.

نص كلمة السيسي للواعظات والراهبات في احتفالية المرأة المصرية 2019

بسم الله الرحمن الرحيم
مش ممكن تعدي اللحظة الجميلة دي من غير ما أشكركم جميعا، أنا بشكر كل سيدة، مش هقول كذا وكذا، كل سيدة مصرية بتقوية الروابط في مجتمعها، بنشر المحبة بين النشر، التقدير والاحترام لكم جميعا وللدور اللي بتعملوه، مش مني على فكرة، مش مني أفتكر، أنا أتصور إن كل المصريين لما يروا كل الجهد الجميل دا، المقدر اللي هو مقدر مش عندنا إحنا بس كمصريين يعني، لا ، دا عند ربنا سبحانه وتعالى، نشر المحبة والسلام بين الناس والتآخي والرضا، شوفوا رد الفعل في كل لقاء بتعملوه وكلامكم مع الناس بيبقى رد الفعل عامل إزاي، بتسيبوا في الناس حالة طيبة أنا بشكركم متشكرين جداً.