كلمات أغنية أحمد جمال في احتفالية المرأة المصرية 2019 «ست الستات»

وجاءت كلمات أغنية ست الستات للفنان أحمد جمال، كالتالي:

قمر 14 طول الشهر ونورها مبيقلش بيزيد
ست الستات ومافيش مجالات إلا واسمها علم فيها
ضحكها بينور أي مكان وخيالها بيقرب أي بعيد
شيالة هم بخفة دم وكل الناس ساندة عليها
حقك تحتار في نجاح من نار وصلت له في يوم ست الستات
بتشرف أي مكان رايحاه وبيحلو عشانها كمان بزيادة
تلاقيها في سينما في مسرح في بطولة طالعة الأولى
دي وزيرة رئيسة قسم وأستاذة كدة بسهولة
تلاقيها شديدة وجد وبرضه مثال للحنية
وأهي خلت كل العالم قال يا جمال الست المصرية
المادة الخام للهدوء والسلام وراحة البال كله
وفي وسط الأرض شريكة جهد لجوزها عشان كانت ضله
سموها حياة أو بر نجاة ويابخته حقيقي اللي مسانداه
دي عليها ذكاء مش أي كلام لو بكرة اتعقد بتحله
حقك تحتار في نجاح من نار وصلت له في يوم ست الستات
بتشرف أي مكان رايحاه وبيحلو عشانها كمان بزيادة
تلاقيها في سينما في مسرح في بطولة طالعة الأولى
دي وزيرة رئيسة قسم وأستاذة كدة بسهولة
تلاقيها شديدة وجد وبرضه مثال للحنية
وأهي خلت كل العالم قال يا جمال الست المصرية.

اقرأ أيضًا: ننشر كلمات أغنية لطيفة في احتفالية المرأة المصرية 2019