فيديو| صابرين في حفلة 11: قبلت أكون زوجة تانية عشان الأولى مش مصرية

تحدثت الفنانة صابرين في برنامج حفلة 11 الذي تقدمه الإعلامية سمر يسري على فضائية ON E، عن فكرة قبولها كزوجة ثانية خاصة إنها نجمة مشهورة وجميلة وذات شخصية قوية.

صابرين في حفلة 11.. تتحدث عن قبولها كزوجة ثانية
وقالت صابرين في حفلة 11: " أولًا لو مصرية مكنتش هوافق خالص، هي سنغافورية أمريكية وعايشه هناك، وطارق جوزي حد محترم إلى أبعد الحدود وهو في الفترة دي مرضاش يتجوزني إلا لما يقولها ويسيب لها الإختيار وبعدين هي كانت حد محترم إلى أبعد الحدود وعلى فكرة هي علمتني الأدب".

اقرأ أيضا: فيديو | تعليق ناري من صابرين على حجابها: أنا مش محتشمة

وأضافت صابرين في حفلة 11 : " هي علمتني الأدب في ايه؟ انا ابني كان صغير وكانت عايشة هنا وكانت بتسافر وبتروح وبتيجي وانا عندي ابني نور وهو طارق جوزي عنده عمر، وكانت بتذاكر لهم هما الأثنين ولما يجولي أعملهم اكل هما الأثنين، كان عندهم اثنين ماما، وهي وطارق قعدوا فترة وانفصلوا".

وأشارت  صابرين في حفلة 11: " بالنسبة لي لو غير مصرية معنديش مشكلة، لكن لو مصرية لا طبعا مش هوافق لأنها مصرية وولاد وعايشة وكدة لا وبعدين كل عيلته وكل أصدقاءه حتى ابنه عارفين ان هما هينفصلوا، مش انا السبب يعني والموضوع بس عند الأمريكان إقرار الذمة المالية وقعدوا سنتين وانفصلوا وخصوصًا بعد ما جبت ابني علي خلاص انفصلوا، ومازالت صديقة ليا جامدة جدًا لما والدتها توفت انا بعتلها عزيتها كلمتها، ولما والدي توفى كلمتنا، كل ما كان في نضوج الوضع بيختلف".

اقرأ أيضا: فيديو| صابرين في حفلة 11:«لو اتعرض عليا دور فتاة ليل هقبله»