المواطن

رئيس مجلسي
الإدارة والتحرير
مسعد شاهين

فيديو| التفاصيل الكاملة لأزمة سالي عبد السلام فى لبنان

الإثنين 22/أبريل/2019 - 12:26 م
سالي عبد السلام
سالي عبد السلام
إسماعيل محمد
طباعة
شاركت الاعلامية سالي عبد السلام متابعيه عبر صفحتها الرسمية على موقع تبادل الصور والفيديوهات «إنستجرام» بعدد من مقاطع الفيديو تشرح كيفية تعرضها لأزمة في مطار بيروت، وطلبت استغاثة عاجلة من السفارة المصرية لتدخل في موقفها، خاصة عقب تعرض والدتها لإهانة من أحد الضباط.

أزمة سالي عبد السلام فى لبنان
وقالت سالي عبد السلام فى الفيديو الاول الذي نشرته على «إنستجرام»: «ده المطار! ٤ ساعات واقفين فى طابور وفى الاخر بيزعق ليه تفتحه الشريط ووالله ما حد فتحه! .. اللى مش هيحترمنا و يكلمنا باحترام مش هنتكلم معاه..عايزة حد من السفارة المصرية اكلمه ارجع والله ما هعتذر طالما مش غلطانة».

وفي فيديو آخر علقت سالي قائلة: «انا عايزة ارجع بلدى حالاً ومش عايزة ادخل البلد دى تانى! انا محدش يزعق لامى و تعيط ويتبلي عليها ٤ ساعات واقفين طابور بالمطار واخد الباسبور وعايزنى اعتذر معرفش ضغطها واطى حتى الدكتور مجبوش»

وفي مقطع آخر تابعت: «بيقول مش عايزة تقف فى الصف ويتبلى عليا ويقول مش هدخلها بيروت وانا موافقة ومش بسايس امورى ولا اعتذر وانا مش غلطانة اسفة! يزعق لامي ليه ويقولها كدابة؟؟ الناس شاهدة و ظباط هما اللى معايا وانا مش هعتذر والله الا امى ! انا امى تعيط !! انا أمي تتشتم في بلد من ظابط ليه».

وقالت سالي عبد السلام فى مقطع آخر: «انا بعد ما صورت الفيديو ده فى المكتب راحوا و حاولوا مع الظابط انه بس يقولها معلش و هى ست قد مامته و يجبر بخاطرها بعد ما زعقلها قدام الكل ورفض! .. انا لولا سفير بلدى المصرى والله ما كنت رجعت و ناس لبنان الطيبين غير الظابط ده تماما».

وبغضب كبير قالت سالي: «حسبى الله ونعم الوكيل ومش هسيب حق امى ! حقى انا فى داهية مش مهم والله بس يتبلى على امى لا! شكرا السفارة المصرية شكرا سيادة السفير شكرا رضوى الشربيني انك وصلتينى بيه ! انا عايزة ارجع بلدى الا ان حد يفترى علينا كده! انا اسفة انى جيت والله ! يقول لامى حقك على راسى مش هقعد فيها .. وده اللى طلباه على ٥ ساعات إهانة وانا نازلة من الطيارة ٧ ونص بليل».

اقرأ ايضا: فيديو | رسالة قوية من سالى عبد السلام للأكس في قطعوا الرجالة !

وبعد حل أزمتها ومغادرة المطار ودخول لبنان من أجل تصوير أحد البرامج، قالت سالي عبد السلام:«شكراً لكل واحد فيكم واى ام على راسى من فوق مش امي بس ربى يسعدكم .. والله قالولى مينفعش تجبري ظابط يعتذر وانا مكنتش طالبة غير يجبر بخاطر امى ومش مقبول ان حد يغلط فى اى حد و ميراضيهوش وقدام الكل وطلبت الكاميرات قالوا هنبات بالمطار امى قبلى قالت ابات بس الحق يظهر..والله لولاك يا سيادة السفير والقنصل والظباط التانية المحترمين ما كنت فضلت بيخوفونى أن اللواء عباس ابراهيم لو عرف هيرحلك.. اترحل لو ده يرضيه وانا على حق! عايزة اوصل لوزيرة الداخلية كمان وهما هيجيبولى حق امي منه لبنان»
View this post on Instagram

طيارتى واصلة ٧ و ٢٠ دقيقة المساء انا وامى لسه داخلين الاوتيل ٥ الفجر وهصور ٩ الصبح! حسبى الله ونعم الوكيل فى الظابط اللى اهان و زعق لامى قدام الكل بلاسبب وقال شالت شريط الطابور وده محصلش و ميصحش وافترى! ربنا مش هيسيبك و سخرلى كل عباده الصالحين.. سبحانه شكرا لكل لبنانى جدع ! شكرا على المياة والانترنت و انكوا جيرتوا خاطرنا و قلتوا الحق وانه مفترى! معرفتش اخد حقى منه بس هفتكر انى معتذرتش ولا غلطت فى حق نفسى! هفضل احب البلد دى عشان فيها جدعان و مسكتوش على الظلم! بلدنا نعمة كبيرة! شكراً لكل واحد اطمن عليا انا اسفة انى معرفتش ارد والله تعبت وكنت خايفة على امى ارجوكوا مش بنشتم ابداً فى بلد بسبب واحد افترى علينا فى كل حتة فيها وفيها ! اللى بيحبنى ارجوكوا ميشتمش انتوا كدة مش بتراضونى لما يقول متتحركيش من غير ما اقولك وانا اللى اقول تروحى فين لامى و يزعق و يقول كدابة انا مكامش ينفع اسكت انا اسفة! جزمتك على راسى يا امى انا اسفة! حقك عليا انا والنبى..انا اللى جبتك معايا شغلى عشان عاداتنا و انا اللى بقولك انا اسفة ووالله ما هسيب حقك! انا هحاول اقابل وزيرة الداخلية #ريا_الحسن يا رب صوتى يوصلها وتعرف واقولها اسم الظابط بمطار #لبنان

A post shared by Sally Abdalsalam (@sallyabdalsalam) on



أخبار تهمك

من تتوقع أن يكون الفائز بكأس السوبر الأفريقي

من تتوقع أن يكون الفائز بكأس السوبر الأفريقي
ads
ads
ads
ads
ads
ads