وجاءت كلمات أغنية حكيم عيون التى نقدمها اليوم في نوستالجيا صباحية كتالي:

حكيم عيون افهم في العين

و افهم كمان فى رموش العين

اعرف هواهم ساكن فين

و اعرف دواهم ييجي منين

قاسيت كتير منهم وقريت كتير عنهم

راقية ابراهيم (فيفى): اسمع يا دكتور انا اعرف ان الالم ييجي من عصب الضرس لما الواحد ياكل حاجة ساقعة

عبد الوهاب:عشان تحرمي تاكلي جلاس وتدوبي فى قلوب الناس

راقية: و عرفت منين ؟

عبد الوهاب: متعرفيش إنى أقدر أقرا أفكارك و من عينيكى أقول لك كل أسرارك

راقية:حكيم روحاني حضرتك ؟

طيب اقرا لي اللي فى قلبي و احكي لي عليه

عبد الوهاب: اللى مكتوب فيه بيخوف مقدرشى احكيه

راقية: بيخوف مين ؟

عبد الوهاب: بيخوفني

راقية: انت كل حاجة تحشر نفسك فيها حتى قلبى

عبد الوهاب: يا ريتنى صحيح أقدر أكشف قلبك و أسأله ع اللى فى بالى

راقية: تسأله عن إيه ؟

عبد الوهاب: عايز أعرف ان كان مشغول و لا خالي

راقية: شئ ما يهمكشى

عبد الوهاب: ميهمنيش ازاى

راقية: طب ما تعيطش

عبد الوهاب: عندى سؤال لو تسمحى أقدر أقوله لك

راقية: ... قوى

عبد الوهاب: فيه يا ترى حد يهمك شاغلك و مشغول به قلبك

راقية: اممممم

عبد الوهاب: و الشخص ده موجود هنا ؟

راقية: إمم

عبد الوهاب: يعنى انتى عارفاه مش كده ؟

راقية: إمم

عبد الوهاب: و الشخص ده شايفاه دلوقتى قدامك ؟

راقية: بالطبع لأ .. زعلت منى و لا إيه ؟

عبد الوهاب: أبدا و هازعل منك ليه

دلوقتى بس صدقتك خدعونى قلبى و عنيا

و اللى انكتب جوه فى قلبك اتاريه لغيري موش ليا

اسمع أيضًا: نوستالجيا صباحية| على صوت عبد الحليم حافظ