المواطن

رئيس مجلسي
الإدارة والتحرير
مسعد شاهين

لكي أنتي.. ازاي تخسي 5 كيلو في الأسبوع ؟

الخميس 09/مايو/2019 - 11:16 ص
ازاي تخسي 5 كيلو
ازاي تخسي 5 كيلو في الأسبوع ؟
آية عبد الحميد
طباعة
معظمنا وزننا بيزيد في شهر رمضان بسبب اكل الحلويات والدهون والنوم بعد الاكل على طول والعزومات، فطبعا بنخرج من رمضان الوزن زايد جدا، وعشان تخسي وتخرجي من رمضان محافظة على وزنك المثالي، هنقولك النهاردة رجيم رمضان هيساعدك تخسي تقريبًا 5 كيلو في اسبوع.

اكل الحلويات
وجبة الإفطار:
الاختيار الاول: طبق شوربة وطبق خضار مشوي + ½ فرخة مسلوقة ومنزوعة الجلد.

الاختيار التاني: طبق شوربة وطبق سلطة + 3 معالق ارز + 6 معالق خضار اي نوع + قطعة لحم متوسطة الحجم مسلوقة أو مشوية.

الاختيار التالت: طبق شوربة وطبق سلطة + ¼ فرخة مشوية + 3 معالق ارز.

الاختيار الرابع: طبق شوربة وطبق سلطة + 6 معالق مكرونة + قطعة لحم متوسطة.

الاختيار الخامس: طبق شوربة وطبق سلطة + ¼ فرخة مشوية + طبق خضار مشوي + 3 معالق ارز.

لو هتاكلي خبز مع وجبة الفطار ميزدش عن ½ رغيف بلدي اسمر ويكون بدل الارز او المكرونة، لو مافيش ارز او مكرونة يبقى تاكلي الخبز.

الاختيارات بالكمية المحددة دي هتديكي العناصر الغذائية اللي جسمك محتاجها بعد الصيام وفي نفس الوقت هتساعد على خسارة الوزن بالتدريج.


التحلية:
ثمرتين فاكهة صغيرة، ولو فاكهة بحجم كبير زي البطيخ او الشمام كلي منها شريحتين في حجم كف اليد (المانجا شريحة واحدة بس، الموز ثمرة واحدة بس، العنب بكل انواعه ميزدش عن 10 حبات.

او قطعة حلويات بحجم علبة الكبريت، او قطعتين من القطايف مشوية في الفرن او لقمة القاضي او بلح الشام.

لو هتشربي اي مشروبات ما بين الفطار والسحور سواء شاي او نسكافية او قهوة او اي مشروب رمضاني تكون من غير سكر.


وجبة السحور:
الاختيار الاول: كوباية لبن خالي من الدسم او كوباية لبن رايب + ½ رغيف بلدي اسمر + 5 معالق فول + 50 جرام جبنة.

الاختيار التاني: علبة زبادي خالية من الدسم + ½ رغيف بلدي اسمر + بيضة مسلوقة + 50 جرام جبنة.

الاختيار التالت: طبق سلطة + ½ رغيف بلدي اسمر + ½ علبة تونة متصفية من الزيت تماما.

الاختيار الرابع: علبة زبادي خالية من الدسم + 5 معالق فول + ½ رغيف بلدي اسمر.

أخبار تهمك

ads
ads
ماهو أفضل مسلسل حتى الأن في رمضان 2019؟

ماهو أفضل مسلسل حتى الأن في رمضان 2019؟
ads
ads
ads
ads
ads
ads
ads
ads
ads
ads
ads