صرحت الفنانة "نادية مصطفى" عن دعمها للمايسترو "مصطفى حلمي"، والذي كان من بين المرشحين لمنصب نقيب المهن الموسيقية، وترشح أمامه أيضًا الدكتور "علاء سلامة"، الموسيقار "شريف حلمي" والفنان "مصطفى كامل" الذي فاز بالمنصب.

وقالت نادية مصطفى: "إحنا عندنا 2 مرشحين من المجلس، المايسترو مصطفى حلمي، والدكتور علاء سلامة، وأنا عن نفسي مع مصطفى حلمي، وأرجع وأقول ربنا يولي الصالح".

واعترضت الفنانة على هتافات الناخبين خلال الإدلاء بصوتهم داخل الإنتخابات، معلقة: "إحنا أعضاء محترمين، وكل واحد عارف هو جاي ليه ولمين، ليه نظام الإرهاب ده، بعد اللي حصل الله أعلم هكمل في النقابة ولا لأ، إحنا بقينا زي شادر السمك".

حديث نادية مصطفى عن هاني شاكر:

وأشارت "نادية" إلى منشور الفنان "هاني شاكر" النقيب السابق للمهن الموسيقية، وعلق من خلاله عن الإتهامات التي وجهت للنقابة في فترة توليه، موضحة: "شوفت منشور هاني شاكر، وده فعلًا تقصير مننا وكان المفروض إن المنشور ده يتحط من أول يوم استقالة علشان في ناس شككت في الإيرادات واللي بيحصل في النقابة".

واستكملت حديثها: "كان فيه ناس ليها مصلحة وأوهمت الجمعية العمومية إن الراجل ده بالبلدي نايم على ودنه ومش حاسس بحاجة، وإن مفيش أي طفرة حصلت، ولما أتكلمنا من غير مستندات، قالوا لو إنتوا رجالة وعندكم دليل طلعوه بالمستند، وطلعت المستندات إمبارح، وأنا مقدرش أنسب لنفسي الفضل، ولكن أول إمبارح مامشتش من النقابة غير لما خدت المستندات دي مختومة من النقابة، لأن دي الحاجة الوحيدة اللي كنت أقدر أعملها لـ هاني شاكر".

وتابعت: "فيه صفحات وهمية أسأت ليا ولـ هاني شاكر ولأعضاء الجمعية العمومية، وأنا رفعت عليهم قضية، وإلى الآن لم يصدر حكم فيها، وصمت عجيب".

وأضافت: "أنا مفيش على رأسي بطحة ولا حد ماسك عليا حاجة، ولا حد يقدر يمسكك عليا حاجة، طول عمري حرة، وأبويا رباني كده وترتبيتي وأخلاقي يمكن هي اللي منعتني إني أتكلم وأقف في ظهر راجل أنا بحبه وبحترمه وعشرة عمري، شهادة مني قدام ربنا وهيحاسبني، هاني شاكر، ظُلم واتهان من الناس كلها، ولم يقصر في النقابة، وهو وجهة مشرفة لنقابة المهن الموسيقية".

وأنهت حوارها: "الفنان الكبير والإنسان المحترم وأخى الغالى، وأمير الغناء العربى، حقك على رأسى أنا، وسأظل عمرى كله فخورة بكونى أحد أعضاء مجلس إدارة نقابة المهن الموسيقية في ظل رئاستك