أكد الرئيس عبد الفتاح السيسي، أن مصر استطاعت العبور بإرادة المصريين من الأزمات و التحديات التي واجهتها خلال السنوات الماضية، مثل أزمة فيروس كورونا.

وقال الرئيس السيسي، خلال مشاركته حفل تخرج دفعات جديدة من الكليات العسكرية، صباح اليوم الخميس، " خليني أقولكم أن إرادة الانسان وقبل منها بدعم من ربنا و مشيئته كل الأمور الصعبة بيتم التغلب عليها، ومن سنتين في حفلة مماثلة زي كدا كلنا كنا واقفين ولابسين الكمامات بسبب الكورونا.. وكل الناس كانت متصورة انه اخر الدنيا، ولكن الأزمة عبرت وانتهت، وافكركم من سنين مش بعيدة في 2013 و 2014 لما الإرهاب كان بيضرب في بلادنا هنا وكنا بنشوف شهدائنا ومصابينا وكنت متأكد أن الأزمة هتعبر بفضل الله زي ما كل الازمات بتعبر، ومن يقرأ التاريخ هيشوف كده كتير وبقول لكل المصريين  الدنبيا مبتفضلش على حالها".

 واستكمل الرئيس خلال كلمته: " عايز اقول ان المرحلة دي كانت صعبة علينا واتصور ان كلنا متابعين ان المصاعب مش عندنا هنا بس بل في الدنيا كلها.. وزي ما احنا شايفين ازمة كورونا عبرت بسلام والنهاردة موجودين ونقدر نقول أن اثارها يمكن التعايش معاها".

وأضاف الرئيس: " المشاهد اللي شايفنها حولنا تؤكد ان الجهد الللي بيتبذل من كل مواطن في مصر للحفاظ على الدولة دي.. بيخلي ان في امل لبكرا وكل المصاعب هنعبرها بفضل الله واقدر اقول ان احنا واقفين برده على ارض صلبة معندناش تحديات كبيرة اوى زي البلاد الاخرى لان عندنا امن و استقرار نقدر من خلاله نعمل اي حاجة".

ووجه الرئيس السيسي خلال كلمته رسالة للطلاب الخريجين من الكليات و المعاهد العسكرية، قائلًا: "واوجه رسالة لضباط الخريجين من الشرطة و الحربية خلي بالكم انتو دوركم لسه كبير أوي".

كما وجه الرئيس التهنئة و التحية للطلاب الخريجين و أسرهم، واختتم قائلًا: " بدأت المسئولية عليكم ربنا يوفقكم ويحفظكم ويحفظ مصر في أمن وسلام".

الجدير بالذكر أن الرئيس السيسي، شهد صباح اليوم الخميس، حفل تخرج دفعات جديدة من طلبة الكليات و المعاهد العسكرية بالكلية الحربية.

وحضر الحفل الفريق أول محمد زكي القائد العام للقوات المسلحة، وزير الدفاع و الإنتاج الحربي، والفريق  أسامة عسكر،  رئيس أركان حرب القوات المسلحة، وعدد من كبار قادة القوات المسلحة، وعدد من الوزراء، إلى جانب أسر الخريجين من الطلاب.

اقرأ أيضًا: الرئيس السيسي يشهد حفل تخرج دفعات جديدة من الكليات العسكرية