‏أستضافت الفنانة "أنغام"ضيفها الفنان "مدحت صالح" في الجزء الثاني من برنامج "انغام" المذاع عبر الشاشة "دي أم سي" يومي الخميس والجمعة من كل أسبوع.

‏استكمل "مدحت صالح" حديثه عن مسيرته الفنية و الغنائية، فأدلى بأنه يحب جملة الكينج محمد منير والتي تقول "كل المفروض مرفوض"، مشيرًا : "أنا بحب الجملة دي في حياتي العملية، لأني مش بحب أقلد حد أو أعمل حاجة شبه حد".

‏وكشف "صالح" عن تجربته في الإنتاج التي ساعدت في التعبير عن نفسه، موضحًا: "أنا بدأت أنتج لنفسي بداية من ألبوم "السهرة تحلى"، وفي الوقت ده كانت موضة الأغاني الحزينة، فعملت أغنية فرحانة شوية عكس السائد".

وأستطرد: "‏أنا قدمت ٣ ألبومات من إنتاج الشركة اللي تبنتني وقفت جنبي في بدايتي، ولكن كانوا بيختاروا الأغاني من وجهة نظرهم، عشان كده بقيت أنا اللي بنتج وبسوق لنفسي".

‏وتابع: "‏لما ألبوم "السهرة تحلى" نجح الشركة اللي بتوزعلي هما اللي  بقوا عاوزين ينتجولي، فعملت معاهم تقريبا ٥ ألبومات وبعدين رجعت انتجت لنفسي، ثم رجعت الشركة تاني، وفضلت رايح جاي، لكن في المجمل أنا أنتجت لنفسي شغل كتير ، ومعنديش مشكلة إن حد ينتج، لكن لقيت الحكاية هواية جميلة إن الواحد يختار براحته".

‏وكشف ‏"مدحت صالح" عن أغنيته الشهيرة "المليونيرات" أنها أغنية ضمن عمل مسرحي أسمه "المهر"، قدمه مع نخبه من النجوم منهم "توفيق عبد الحميد"، "علاء ولي الدين"، "سلوى خطاب"، "محمد الصاوي".

 وأوضح أن الأغنية حققت نجاحًا واسعًا في المسرحية، مما دفعه لتقديمها من خلال كليب من إنتاجه. 

‏ومن جانبه وجه "مدحت صالح" نصيحة للمطربين الجدد قائلًا: "‏لازم تصدق نفسك وحقيقتك، شوف حقيقتك إيه، لأنه مش بالضرورة اللي ينجح مع غيرك ينجح معاك، مفيش قواعد محددة، مفيش حاجة اسمها المفروض نعمل كذا، لأن المفروض إنك بتقدم اللي بتحس بيه للناس، وهتتحاسب عليه سواء حلو أو وحش".