حل المخرج "محمد سامي" ضيفًا على برنامج "أنا سعيد" المذاع عبر شاشة "القاهرة والناس"، ليدلي بصريحات عن حياتة الشخصية والمهنية.

وأعرب"محمد سامي" عن حبه الشديد لزوجته "مي عمر" قائلًا:"أنا بغير على مي جدًا، وهي بتمثل، وهي بتتكلم مع حد، وهي في شغلها، لكن أنا أحب مراتي حلوة وأحبها تلبس اللي عايزة تلبسه وتعمل اللي هي عايزاه عشان احنا هنعيش مرة واحدة".

وأضاف: " غيرتى على مي صحية، وبحبها على طول تكون حلوة، وبحبها تلبس اللى هى عايزاه، بحبها تكون جميلة، أنا هعيش مدة معينة من الزمن، وهي كمان هتعيش مدة معينة، فلازم نستمتع بالحياة، أنا مش مشتريها، وهي شخصية يوثق فيها، ودا مخليني مرتاح".

كما تحدث "سامي" عن الشك معلقًا: "الشك بيكون صحي مع الشخصيات الغريبة، ويكون مرضي عندما يكون مع الشخصيات القريبة"، مشيرًا: "أنا على طول بشط في اللي قدامي لحين إثبات العكس، ومش بشك في أى حد من أصدقائي المقربين".

ومن جانبه وضح أيضًا أنه من قبل الزواج كان هناك أتفاق بينه وبين زوجته على الأحترام المتبادل وعدم الشك.

وأشار: "لو مفيش أحترام في البيت، البيت هيفشل، وأي راجل بيشك في مراته هو راجل مريض، والمشكله بتكون فيه مش في مراته".