أستضاف الفنان "أمير كرارة" خلال برنامجه "سهرانين" الفنان "شريف سلامة" عبر قناة "أون إي"، ليكشف عن تفاصيل حياته المهنية والشخصية وأبرز المحطات في مسيرته الفنية.

تحدث "شريف سلامة" عن دوره في مسلسل "فاتن أمل حربي" والذي عرض ف رمضان الماضي، موضحًا تفاعل زوجته الفنانة "داليا مصطفى" مع المسلسل ومدى إعجابها بدوره، وقال: "داليا مكنتش بتتفرج على المسلسل معايا، بس كانت بتبسطني إنها مصدقة، وكانت تبصلي أوي، وأقولها إيه متخافيش أنا جوزك حبيبك".

وأستكمل حديثه: "جسدت شخصية مستفزة في المسلسل، وكل العناصر ساعدتني، بداية بماندو العدل، ونيلي كريم وهي ممثلة متفهمة وعشت في الشخصية وبقيت أفكر فيها، وأنا حبيت الشخصية جدًا، لأني بحب الشخصيات البعيدة عني".

وكشف "سلامة" عن أول مقابلة جمعته بالفنان "محمود عبد العزيز" موضحًا: " أول مرة قابلته كنت عالبحر، فبصلي وسألني أنا ليه ببصله كدة، قولتله عشان حضرتك محمود عبد العزيز، سألني أنا بدرس إيه قولتله إخراج وتمثيل، قالي طب ليه مش بتمثل، تعالى يوم الأحد وفي دور هرشحك لي والمخرج اللي هيقرر أنك هتشارك ولا لا".

وتابع: "شاركت في مسلسل محمود المصري، قعدت قبلها بيوم علشان مغلطش وأنا واقف قصاد الفنان الكبير محمود عبد العزيز، كنت عاوز أبقى قد المسؤولية، وعاوزه يقول الولد ده كويس، وكنت بحفظ المشاهد وأسمعها وأنا نايم، ولما مثلت قصاده، قالي في يوم من الأيام هتبقى نجم كبير".

وعن حياتة الشخصية

تحدث "شريف سلامة" عن أول لقاء جمع بيته هو وزوجته معلقًا: "أول لقاء مع داليا كان في المدرسة، لأن شقيقها كان زميلي في المدرسة، فكنت بقف بعيد وأبصلها وهيا كانت بتبصلي فأعجبت بيها، ودخلنا المعهد مع بعض وأصبحنا أصدقاء مدة طويلة، وبعد فترة أكتشفنا إننا بنحب بعض وأتخطبنا وبعدها تزوجنا".

وأسرد عن ذكرياته في حفل الزفاف قائلًا: "أنا وداليا وصلنا الفرح متأخر لأنها كانت عاوزة تلبس فستانين، وداليا أخذت وقت في الميك آب، ودخلنا الفرح الساعة 11 إلا تلت، وهانى رمزى كان على الباب وقالى ألف مبروك يا شريف معلش عندى ميعاد ومضطر أمشى".