كشفت الفنانة "بدرية طلبة" عن الرسائل الغريبة والعجيبة التي تصل لها في صندوق الرسائل من قبل جمهورها ومتابعيها على موقع التواصل الإجتماعي "فيس بوك".

وكتبت "بدرية" منشور عبر صفحتها معلقة: "بتجيلي طلبات تدهشني زي مثلًا واحدة طلبت 15 مليون تسددهم للبنك، لأنها واخدة قروض هي وأخواتها يعلموا مشروع والمشروع فشل وخسروا فلوسهم والبنك أخد حكم عليها"

واستكملت حديثها: "التمستها العذر لأنها غرقانة والغرقان بيدور على قشاية زي ما بيقولوا، وطبعا أنا مردتش عليها لأن اللي هيفك كرب حد مش هيفكوا بالرقم ده، ده لو كان معايا الرقم ده أصلًا".

وعلقت أخرى من متابعين بدرية طلبة رسالة قائلة: "السلام عليكم أنا بحب حضرتك جدًا، وبحب كل أعمالك ربنا يوفقك يارب، أنا نفسي يكون عندي عربية أروح بيها الجامعة حتى لو عربية مستعملة، ممكن تساعديني وهكون متشكرلك جدًا جدًا، حلمي من زمان أروح الجامعة بعربيتي، حتى لو هتكون عربية مستعملة".

وأضافت "طلبة": "واحدة زي دي تطلب طلب زي ده، هنا بقا الاندهاش زاد جدًا عربية إيه حضرتك؟، في ناس مش لاقية رغيف فاضي، مش هرد".

أخر أعمال بدرية طلبة

يذكر أن أخر أعمال بدرية طلبة فيلم "تماسيح النيل"، وتدور أحداثه في إطار كوميدي، حول عملية نصب تحدث لإحدى الركاب على مركب، وتنطلق أحداث الفيلم للوصول إلى الحقيقة.

والفيلم بمشاركة مجموعة من النجوم منهم "بدرية طلبة، خالد الصاوي، حمدي المرغني، محمد ثروت، هنادي مهنا، محمد جمعة، سليمان عيد" وغيرهم، والعمل من إخراج "سامح عبد العزيز"، وتأليف "لوئ السيد".