جيلان علاء وعز شهوان يكشفون حقائق جديدة لأول مرة بعد الزواج
الجمعة 28/أكتوبر/2022 - 07:22 م
جيلان علاء وعز شهوان
منة الله نجاح
طباعة
استضافت الإعلامية "منى الشاذلي" في حلقة جديدة من حلقات برنامجها "معكم منى الشاذلي" الفنانة "جيلان علاء" وزوجها "عز شهوان" على قناة "سي بي سي"، ليتحدثوا عن حياتهم الشخصية والمهنية، وكيف بدأت قصة حبهم بالإضافة إلى العديد من الأسرار التي يتحدثون عنها لأول مرة.
قالت "جيلان": "يوم عرض حلقتنا مع حضرتك السنة اللي فاتت، كنا أصحاب عادي، وبعدها وصلني البيت بعربيته وطلب مني الزواج".
وأوضح "عز": "يوم ما روحنا سوا كنت حاسس أني عاوزة أقولها، وكنت محتار أصارحها ولا لا، وزي أي راجل ساذج قولتلها أني بحبها، ولكنها رفضت".
وأضافت "جيلان": "أنا خوفت لإن تجاربي العاطفية السابقة مكنتش لطيفة، وهو عارف كل حاجة، فلما طلب مني الزواج خوفت ورفضت".
وتابعت: "أصل دايمًا في مشكلة، إن البنت تحب الراجل جدًا وهو ميحبهاش أو ميبادلهاش نفس الشعور يا إما العكس، وقولت أكسد هو بيهزر والموضوع مش هينتهي نهاية كويسة".
واستكملت حديثها: "أنا عندي ٣٤سنه وعديت بقصص حب كتير وكلها أنتهت بشكل مأسوي، وعيشت أزمات نفسية، فلما عز أتقدم ودخل جد أنا خوفت".
وعلق "عز": "أكيد لما رفضتني أنا أدايقت، وهيا بعدها كلمتني عشان تشوفني كويس ولا لا، أذايقت أكتر لأني حسيت أنها بشفق عليا، وقررت ساعتها أننا نقفل الباب ده ونحافظ على صداقتنا".
واختتم: "بعدها بشهرين كنا بناكل في مطعم في مصر الجديدة لقيتها ساكتة وسرحانة بقولها مالك، قالتلي عاوز أقولك حاجة، أنا بحبك".
