حلت المطربة كارمن سليمان ضيفة مع الإعلامي أنس بوخش في برنامجه المذاع عبر موقع "يوتيوب" لتوضح بعض الجوانب الخفية في حياتها الفنية والشخصية، ومرحلة الدخول إلى عالم الفن والخبرات التي أكتسبتها.

كارمن وحياتها الفنية

وتحدثت "كارمن" عن بدايتها الفنية قائلة: "أنا دخلت مجال الغناء بالصدفة، صديقتي رشحتني لبرنامج عرب أيدول، ومكنتش مقررة أني هبقى مغنية".

وأوضحت: "لما دخلت الوسط الفني وبقيت مشهورة مكنتش قادرة أتحمل فكرة رغبة الجَمهور في أنه يتصور معايا، وكنت ببقى في حالة سيئة، والشهرة ساعتها أتحولت معايا من نعمة لنقمة".

وأضافت: " أنا في البداية الناس كانت بتقول عليا تنكة لأني أحيانًا كنت برفض الصور، عشان مش قادرة أبتسم، لكن بعد كدا حسيت إن دا مش صح وبقيت أعرف أفصل بشكل كويس، عشان حب الناس اللي كان مشكلتي في الأول اكتشفت إنه حاجة مهمة جدًا وبقا بيحفزني دايمًا".

وتابعت: " أنا ضريبة الشهرة دفعتها إني بقيت خلاص بفصل بين حياتي في البيت والشغل، وبقيت أوافق أتصور مع الناس في أي وقت، ولما بكون في أي حالة، لأن خلاص الناس مالهاش علاقة أنا بمر بإيه في حياتي".

كارمن ورأيها في الزواج المبكر

وكشفت كارمن عن رأيها في الزواج المبكر خاصة أنها تزوجت في عمر 22 عام قائلة: "أنا أدركت أني أتجوزت بدري مؤخرًا، بس شايفة أن قراري مكنش خاطئ، لأني أصبحت قريبة من أبني ومفيش فجوة عمرية بيني وبينه".

وأضافت :" كل الحاجات اللي معملتهاش قبل الجواز ممكن أعملها دلوقتي بس هحس أن فيه حاجة ورايا بردو، والجواز في سن بدري خلاني أحس أن فيه حاجات كان لازم أعملها لوحدي زي السفر".

ووجهت كارمن نصيحة بشأن الزواج قائلة: " لا أؤيد الزواج المبكر بشكل عام، فسن 26 أو 27 بالنسبة لزواج البنات حلو جدًا والراجل مش قبل 30 سنة، أنا الحمد لله اختياري من الأول في الجواز كان تمام، وفي الأخر الجواز قدر".