أثيرت حالة من الجدل الشديد بين الجمهور على وسائل التواصل الإجتماعي بسبب حفلة "ويجز"، التي أقيمت منذ ساعات قليلة بمركز المنارة للمؤتمرات الدولية في التجمع الخامس.

وعبر كل من حضر الحفل عن استيائهم الشديد نحو ما حدث من سوء تنظيم وفتح البوابات بشكل مفاجئ للدخول دون ترتيب، كما غادر ويجز الحفل فجأة بعد وقت قليل من انطلاقه بدون إخبار الجمهور أو توديعهم.

وصرحت بعض الصفحات بأن الحفل شهد عدد ضخم من الحضور، حيث أنه تخطى الـ20 ألف شخصًا.

تعليقات الجمهور عن الحفل

جاءت تعليقات الحضور بالسلب عن الحفل موضحين كل ما حدث معهم، وكتبت واحدة من الجمهور عبر "تويتر" كانت متواجدة بمركز المنارة "ممكن احكي حاجه حزينه كنت حاجزه تيكت حفله ويجز بتاعه انهارده في المناره وفضلت واقفه طابور ٣ ساعات لحد ما الحفله بدأت وعدا منها اكتر من نص ساعه وزق وضرب و قله ادب واوحش تنظيم حفله شوفته في حياتي وفي الاخر مشيت".

وعلق أخر "ما فعله المغني ويجز الليلة في القاهرة عيب وقلة احترام وقلة تقدير لشابات وشباب دفعوا المئات والآلاف لحضور حفل غنى فيه لستين دقيقة واختفى دون حتى شكر الحضور".

وأضاف أخر عن عدد الحاضرين "انا بحضر حفلات من ١٠ سنين حضرت فيهم اكتر من حوالي ٦٠ حفلة ان مكنش اكتر لكل انواع المزيكا اعتقد، حفلة ويجز النهاردة اكتر حفلة زحمة حضرتها في حياتي، جماعة والله المنارة ما فيها مكان فاضي مش اقل من ٤٠ الف بني ادم، ويجز اشطر فنان اخر ٢٠ سنة  و اسرع واحد وصل".

وأشارت أخرى "الحفلة خلصت بطريقة غريبة جداا ويجز دخل ومخرجش تانى، الناس فضلت مستنية لحد ما واحد طلع قال ف المايك يا جدعان الحفلة خلصت والله".

وانتشر فيديو لفتاة أمام بوابات المنارة يوضح عدم التنظيم والفوضى، مؤكدة أنها دفعت ثمن التيكت وقالت خلال الفيديو "حفلة ويجز اللي مفيش مكان في مصر حاطين له إعلان، الناس بتنط من فوق السور مع أنهم دافعين في التيكت 2400 جنيه، والناس واقفة بره ومش عارفة تدخل، مفيش تنظيم ولا إدارة وفلوسنا اتسرقت، دافعين 2400 جنيه علشان ندخل زي الحرامية بعد ما فتحوا البوابات".