تصدرت الفنانة أمل رزق مؤشرات البحث "جوجل" خلال الساعات القليلة الماضية بعد أستضافتها في لقاء تليفزيوني مع الإعلامية ياسمين عز في برنامج "كلام الناس" المذاع على شاشة "أم بي سي مصر"، لتتحدث عن حياتها الفنية والشخصية وبعض المواقف التي تعرضت لها وزواجها من المنتج الراحل إسماعيل كتكت.

أمل عن زوجها

تحدثت "أمل" عن زوجها الراحل إسماعيل كتكت قائلة :"أنا تزوجت من إسماعيل وأنا عندي 19 سنة، جالي عريس من أمريكا وكان عاوز ياخدني معاه، فجأة إسماعيل قال لبابا أنه عاوز يتجوزني، وأنا وافقت بدون نقاش رغم فرق السن الكبير اللي بينا، بس أنا كنت بحبه ودمه كان خفيف وبيحب الحياة".

وتابعت:"أنا أتجوزت صغيرة، لكن لا أنصح أي بنت في الجيل الحالي تعمل كده، لإني شيلت المسئولية بدري جدًا وكمان فضلت أخلف بس أنا كنت فرحانة، لكن الجيل الحالي صعب يشيل المسئولية بدري".

وعن الشائعات التي تعرضت لها أمل بخصوص أنها كانت تستغل زوجها لينتج لها لا أساس لها من الصحة، موضحة :" كلام مكنش له أي أساس من الصحة وما خلتهوش يعملي بطولات ومكنتش هقبل، وهو مكنش عايز ينتجلي من الأساس".

وأستطردت :" كانوا بيحسدوني عن زواجي منه، وكنت بسمعهم بودني يقولوا هتلاقي هيعملها وجيبلها وكلام من ده، بس لو رجع بيا الزمن هخليه يعملي بطولات وينتجلي، أنا كنت برفض بسبب زيادة كبريائي وعزة نفسي، ولكن لو رجع الزمن كنت هطلب منه، بس في الأخير أنا بالنسبالي هو كان كفاية وعندي بالدنيا كلها".

الأزمة التي تعرضت لها أمل

وكشفت أمل عن تعرضها لأزمة كبيرة جعلتها تفقد بصرها لمدة 6 أشهر قائلة :" ربنا ابتلاني وكان عندي شوية صدمات وكنت بفكر كتير جدًا وعندي عصب في دماغي ضرب وأتعميت 6 شهور، ودعيت ربنا في رمضان وقلت يا رب لو قومت أول حاجة هعملها إني هحج، والدكتور أستغرب إني رجعت أشوف تاني".

سبب أنفصال الشرنوبي عن أبنتها

تحدثت أمل عن سبب أنفصال أبنتها عن الشرنوبي وقالت إنها دعت أمام الكعبة أنه لو خير يقربه منها وأنه لو شر يبعدها عنه، مضيفة :"دي بنتي الكبيرة وأول فرحتي طيبة ونقية ودعيتلها من قلبي ربنا يسعدها".