أستضيفت الإعلامية رضوى الشربيني في برنامج "ذا انسيدر" مع الإعلامي إيلي نخلة، لتتحدث عن حياتها الفنية والشخصية أبنائها وتحكي مواقف تعرضت لها خلال الفترة الأخيرة.

وتحدثت رضوى عن ابنتها الكبيرة تيا قائلة: "بنتي الكبيرة هادية أوي وهانم ومؤدبة، وأنا خايفة عليها جدًا"

 هذا على عكس ابنتها الصغيرة "تمارا" معلقة: "بنتي تمارا هتبقى خليفتي في المستقبل وهتكمل المسيرة وهتشوفوا أيام جميلة".

 وتابعت: "هتبسطكوا أكتر مني وهتقول كلام أوحش مني، وبتتخانق مع الرجالة، وكل واحد بتتشاكس معاه بتقوله أنا بنت رضوى الشربيني عشان تأكد المعلومة كأني مربياهم في البيت إنهم يكرهوا الرجالة، بنتي الصغيرة مضيعاني، بس أنا مبسوطة بشخصيتها".

ووجهت رضوي الشربيني خلال لقائها رسالة للرجل قائلة: "من فضلك افهمني صح، أنا مش عدوتك لكن عدوة تصرفاتك الخاطئة تجاه البنات، كون رحيم بالست الموجودة في بيتك، ويا تكون راجل قد المسؤولية ومحترم وتحترمها يا بلاها".

وتحدثت رضوى عن موضوع لا تحب الحديث عنه وهو ضربها لأحد الرجال موضحة: "دي حادثة فردية، والصحافة هتبهدلني وتقول رضوى الشربيني ضربت راجل، هو كان بيعاكس معاكسة زيادة فاضطريت أضربه".

خبر جديد في برنامج رضوى في 2023

وأعلنت رضوى الشربيني عن نيتها في طرح قضايا ومواضيع أكثر جرأة في برنامجها عام 2023، مضيفة: "تناول جديد يارب الناس ما تزعلش مننا بس لازم نطرق أبواب أكتر ومواضيع أجرأ بكتير، انتظروا وشوفوا".

كلامها عن أزمة هيقاء وهبي الاخيرة

وتحدثت رضوى عن الإنتقادات الأخيرة التي تعرضت لها الفنانة هيفاء وهبي وقالت: "أنا من جمهورهيفاء وهبى، وهي أيقونة في الموضة والجمال، وشخصية متواضعة جدًا، مش محتاجين ندافع عنها على قد ما محتاجين نقول للناس كفاية تصيد أخطاء".

وتابعت: "هي دي الست اللي كنتوا بتنادوا بجمالها وشياكتها، يمكن مودها مكنش حلو أو المكياج مش حلو أو الإضاءة، أيا كان السبب هي هيفا".