وجه الملحن "صادق عادل" ملحن أغنية "لو ناسيين أفكركوا" بالسرقة، وطرحت شركة روتانا تلك الأغنية مؤخرًا كدويتو بين الفناني "محمد رمضان وشاهيناز".

كما أكد صادق عادل أنه طرح هذه الأغنية بنفس اللحن والكلمات بإسم "سالكين" منذ 4 أشهر، وكانت من ألحانه وتوزيعه وكلمات "فايتر".

نشر "عادل" عبر صفحته الرسمية على "فيسبوك" منشورًا يوضح فيه ما حدث، معلقًا: "أغنية النجم محمد رمضان الجديدة لو ناسيين أفكركوا من الحاني ونازلة بصوتي من يوم 11-7 اللي فات، يعني من 4 شهور والكل يقدر يسمعها قبل ما يقفلوها عشان وصلي معلومات أنهم بيحاولوا يقفلوها دلوقتي".

وأضاف: "أنا أتفاجأت ان مكتوب في تتر الأغنية من ألحان الأخ شريف عباده، ودي فضيحة وسرقة علني من لأنه ملحن الأغنية، لأنه مش ملحن أصلًا".

تابع: "أنا عايز حقى وبطلبه بكل أدب واحترام، ياريت كل الناس تساعدني أوصل صوتى وأجيب حقى من النصاب شريف عباده، لأن أعتقد أن النجم محمد رمضان وشركه روتانا تعرضوا للنصب، مستحيل يكونوا على علم بالسرقة العلنية دى والله اعلم، وبتمنى من كل اصدقائي الصحفيين متابعة الموضوع ومساعدتي على أخذ حقي بكل الطرق المشروعة".

ومن كلمات أغنية "لو نسيتوا أفكركوا"

ماليش جناح عشان تقصوه
ولا عيني ازاز عشان تكسروه
مفيش تيكتات شبعنا من دول
بس دماغنا اعلى من السوق
حوالينا فيه كلاب كتيره بتحوم
على المصلحة في ثانية بتقوم
على الجدعنة زميلي بتدوب
الله الغالب كله مغلوب