المواطن

رئيس مجلسي
الإدارة والتحرير
مسعد شاهين

محمد فراج عن "غرفة 207": محظوظ إني كنت جزء من العمل

الإثنين 21/نوفمبر/2022 - 05:27 م
محمد فراج
محمد فراج
بسنت عبد الكريم
طباعة

كشف الفنان "محمد فراج" عن الصعوبات التي واجهته بمسلسل "الغرفة 207"، والذى يُعرض حاليًا ومحقق صدى كبير لدى رواد مواقع التواصل الاجتماعي وهذا العمل مأخوذ من رواية الكاتب الكبير الراحل دكتور أحمد خالد توفيق.


قال "فراج" خلال لقائه في برنامج صباح العربية ويُعرض على قناة "العربية": "قليل أوي لما بتلاقي في النوع دا من المسلسلات، تلاقي ورق جايلك لأن أنتي المفروض بتحكي حاجة مش منطقية، أرواح، أشباح، حاجات من هذا القبيل".

 

اقرأ أيضًا: أحمد عز أيقونة الرومانسية.. وفعل "إسلام سعد" يثبت ذلك


أضاف: "فا قليل أوي لما بتلاقي ورق جايلك جاهزعلى التصوير، بنسبة 90 و95 في المئة، والحدوتة متفصلة ومشروحة بإقناع مش طبيعي، يعني انتي بتقرأي حاجة مش منطقية ومع ذلك مقتنعة بيها مليون في المئة".

 

تابع الفنان: "فا دي حاجة كنت حابب أبينها، صعوبة الورق اللي كتبه تامر إبراهيم ببراعة، ثانيًا عشان تحكي هذه المشاهد وتمثليها، أزمنة مختلفة ومواقف مسترجعة وترجعي تاني لأصل الحدوتة".

 

وصف ذلك بالعقد التي تحتاج إلى من يحلها، موضحًا: "كل دي عقد عاوزة تتفك وتتفصل بشكل كويس للمشاهد عشان يفهمها بسلاسة، والحمدلله بفضل ربنا ومجهود كل الناس اللي اشتغلت في المسلسل طلع بالشكل المشرف دا يعني".

 

اختتم: "بعتبر نفسي محظوظ عشان عملت واشتركت في حاجة زي كدا"، وعن وصف المشاهدين بأنه مسلسل رعب، أوضح: "هو مش رعب في المقام الأول، هو في دراما كبيرة أوي وعلاقات إنسانية ومشاعر مختلفة من حب وكره وغضب، ويغلفها الحدوتة اللي بنتكلم فيها".



هل تتوقع تألق برونو سافيو مع الأهلي؟

هل تتوقع تألق برونو سافيو مع الأهلي؟
ads
ads
ads
ads
ads
ads