كشف الفنان رضا حامد عن رايه في الزعيم عادل إمام والمواقف التي حدثت بيهم من خلال تعاونهم في مسرحية "بودي جارد"، ومقارنته بالراحل سمير غانم.

قال رضا حامد من خلال لقائه مع الإعلامية رغدة شلهوب في برنامج "نص الكلام" المذاع على قناة "النهار": "عادل إمام مش بيحب حد يظهر جنبه، وبيخاف من ده، وعنده إحساس أنه بكده بيحافظ على نجوميته وده حقه".

وأضاف: "عادل إمام فنان عظيم، ويعتبر هرم من أهرامات مصر، لكن أنا حكيت موقف جمعني بيه وحصل معايا في مسرحية بودي جارد".

وأوضح: "اشتغلت معاه في المسرح وقدمت معاه فيلم، وطلبت أعمل معاه أعمال تانية، قالي أنا قدمتك يا رضا وأشتغل بعيد عني، ودي تركيبه عادل إمام وأنا مش زعلان وده حقه، ولو كنت أشتغلت في أفلام عادل إمام وبتصعد معاه في كل فيلم، كان زماني بقيت حاجة تانية خالص دلوقتي".

وعن سمير غانم قال: "أنا أشتغلت مع سمير غانم والفرق فظيع، سمير كان بيقترح عليا ويقولي أقول هنا كذا وأعمل كذا، عكس عادل إمام، عنده حاجات محددة، والأرتجال بحساب، وفي مسرحية بودي جارد لما سمع ضحك الجمهور ليا، سالني هيا المسرحية دي كوميدي ولا ايه".