خاص| وفاء مكي: «عملت استغاثة للرئيس السيسي لإني مش لاقيه حد يسمعني»

كشفت الفنانة وفاء مكي، عن تعرضها للإفلاس بسبب عدم إسناد أدوار لها في الأعمال الفنية، معللة أن ذلك دفعها  للاستغاثة بالجمهور.

وقالت «مكي»، خلال لقائها مع «بوابة المواطن»: «استلفت مبالغ كبيرة جدًا، ومديونه وعارضه شقتي للبيع، عشان أسدد ديون الناس، وعملت استغاثة للرئيس عبد الفتاح السيسي، لإني مش لاقيه حد يسمعني».

وأجرت الفنانة هند عاكف، مداخلة هاتفية خلال لقاء «بوابة المواطن»، لدعم وفاء مكي قائلة: «أنا بدعمك، وعاوزة أقول لك إن دي قضية جيل كامل، جيلنا أتظلم وأتفرم، أحنا لا وجوه جديدة ولا لسه بنبتدي، احنا ضيعنا عمرنا كله في الفن».

وتابعت هند عاكف: «أنا بعدت شوية عن الفن، رجعت لقيت الدنيا متغيرة خالص، ولقيت ناس معرفهمش ولا الجمهور نفسه يعرفهم، أنا مش ضد الجيل الجديد بس هما يشتغلوا واحنا نشتغل».

واستكملت «عاكف»: «بيتي محتاج عندي التزامات وديوان ومفيش ليا مصدر تاني غير معاش لا يذكر والنقابة على علم مين بيشتغل ومين لا وبتقال الموضوع عرض وطلب».