بعد 743 يوم.. رامز أمير يعلن الانتهاء من تحضيرات فيلم "الجارح"
الثلاثاء 17/يناير/2023 - 11:54 م
رامز أمير
منار عبد العال
طباعة
كشف الفنان رامز أمير، أنه تحمس لفكرة عمل فيلم عن الطيور الجارحة واستغرق العمل حوالي 743 يوم.
نشر رامز أمير، عبر حسابه على "فيسبوك"، فيديو وكتب عليه قائلاً: " أول حاجة وحشتونى جدا و عارف إنى مختفى بقالى كتير بس هتعرفوا ليه لما تتفرجوا على الفيديو، والناس اللى متابعانى عارفة اد ايه أنا بحب شغلى وإنى دايما بختار لنفسى الطريق الصعب اللى محدش مشى فيه قبل كده، و هى دى متعتى، إني أتعب لأن بالنسبا لى التعب هو اللى بيدى طعم للحياة».
وأضاف: «بعد الأكشن اللى عملته اتقالى كلام كبير أوى عليا حملنى المسؤولية، فكان لازم اتعب أكتر واشتغل على نفسى أكتر، المرة دى أنا جاي لكم بفكرة مجنونة حبتين، فيلم "الجارح "، الفيلم ده أخد منى مجهود وتعب لمدة سنتين، كانت الخطوة الأولى الأهم إننا نكتب فيلم محترم مش مجرد شوية أكشن و خلاص».
وتايع الفنان رامز أمير: «الخطوة التانية إني أطور نفسى فى الأكشن أكتر وأدرب الطير اللى هيبقى مفاجأة فى الفيلم إن شاء الله، الطير الجارح ده اسمه العُقاب وده من أشرس الكائنات اللى ربنا خلقها و تدريبه صعب وخطر جدا، ابتديت معاه من الصفر عشان أعلمه يقف قدام الكاميرا و يعمل أكشن معايا كمان، يمكن فى ناس تقول عليا مجنون بس الحقيقة إنى مجرد واحد بيحب يجتهد و يتعب، ربنا هو اللى ادانى النعمة دى ودى نعمة كبيرة أوى إنك تستمتع بالمشوار اللى بتمشيه عشان حلمك.. الحمد لله».
واستكمل رامز أمير: «أنا وعدتكم إنى هعمل اللى أقدر عليه عشان أكون قد مسؤلية تشجيعكم ليا ودعمكم، كلمة صعبة أوى لما الناس تقول عليا مستقبل الأكشن فى مصر، الجملة دى ديما كانت قدام عينى، و هى اللى خلتنى أشتغل على مشروع لمدة سنتين، عشان أقدم لكم حاجة تليق بيكم و كل اللى بتمناه دلوقتى إن ربنا يقدرنا و نعرف نعمل نقلة فى السينما المصرية».
واختتم: «دعواتكم و استنوا فيلم أكشن أول مرة يتعمل فى الوطن العربى، فيلم " الجارح"، كما اوضح في الفيديو أنه انتهى من تصور العمل في 743يوم، مستعرضاً عدداً من مهارته في التعامل مع الطيور الجارحة، وخبرته في التواصل معهم، مظهراً علاقة الحب القوية والتفاهم لـ"عُقابه رهبة".
وفي الفيديو الذي نشره قال: "الحمدلله خلصت المرحلة الصعبة وفاضل لعب عيال"، وكما انه أظهر مهارته في لعبة"الباركور".
