تعليق ياسمين عز على "الفيديو المسرب" لها مع الشيخ مبروك عطية
السبت 28/يناير/2023 - 09:25 م
ياسمين عن تعلق على الفيديو المسرب لها
أروى سيد
طباعة
علقت الإعلامية ياسمين عز، مساء اليوم السبت، على الفيديو المسرب لها مع الشيخ مبروك عطية، الأستاذ بجامعة الأزهر الشريف.
وقالت ياسمين عز في برنامجها "كلام الناس"، الذي يعرض عبر قناة "ام بس سي مصر": "لما باخد أجازة ماينفعش تعدي بسلام، الأسبوع اللي فات لما أخدت أجازة، قالك إلحق الفيديو أو الحلقة المسربة لياسمين مع الشيخ مبروك عطية".
حقيقة فيديو ياسمين عز والشيخ مبروك عطية
وأضافت: "الفيديو المسرب اللي جابوه من على شاهد لما كنت مستضيفة الشيخ مبروك عطية من 8 شهور، كنا بنتكلم عن الرجل والمرأة، الشيخ كان بيتكلم عن الأكل وأنا كنت بتكلم عن الزوج وبقول إني هجيب طباخة لجوزي، أنا كنت بتكلم بضمير الغائب، ودي حاجة في الإعلام اسمها الحديث بضمير الغائب".
واستكملت: "ورغم هذا، أنا من سنة ماكنتش بعرف أحشي محشي، الإنسان لازم يتعلم من أخطائه ولازم يتطور، أنا بتعلم وبتطور وبقيت أعرف أعمل المحشي، إضافة إني أستاذة ورئيسة قسم في عمايل البط بالبرتقال".
ويذاكر أن ياسمين عز، قالت في وقت سابق، في شأن الرجل: "في يوم كنت زي ناس كتير ومكنتش مقدرة قيمة الفرعون ولما فهمت ارتاحت وبقيت سعيدة، وأنا قولت في الحلقة إن الراجل من حقه يتجوز أربعة وده شرع ربنا، وأنت ليه خدتي حتة المحشي وسيبتي إن الراجل يتجوز أربعة".
