إنجي المقدم:«الست بتشيل كل حاجة الراجل دوره يقعد على الكنبة»
176
تحدثت الفنانة إنجي المقدم عن غضبها الشديد من النقاد على مواقع التواصل الاجتماعي، وما يحدث من تعليقات سلبية وسخيفة على الفساتين وما يشبه ذلك الأمور.
تصريحات إنجي المقدم
وقالت إنجي المقدم في برنامج حبر سري مع الإعلامية أسما إبراهيم، المذاع عبر شاشة قناة "القاهرة والناس": "الناس مش عارفة عايزين أيه من لبسنا، نلبس فستان ببطانة نتشتم، من غير بطانة برضو نتشتم» وعن أهمية دور المرأة علقت:«الست بتشيل كل حاجة، الراجل دوره يروح الشغل، ويرجع يقعد على الكنبة».
إنجي المقدم والعمل مع ماجد الكدواني ويحيى الفخراني
وكشفت إنجي عن الممثل الذي تتمنى العمل معه، وعلقت:«نفسي أمثل مع العظيم ماجد الكدواني، لأني عارفة أن طالما حاجة عليها اسمه هتبقى حاجة حلوة، ولكن لازم أشوف الدور بس مع ماجد هوافق مبدئيًا وأقرأ بعدين»
وأضافت:«أتمنى أشتغل مع الأستاذ يحيي الفخراني، في أسماء ذهبية هتبقى أعمالهم عليها ختم، وصعب يوافقوا على أي حاجة وخلاص»
وأوضحت:«في اعمال ليا في البدايات كانت فيها هبل ودمي تقيل وانتقد نفسي كتير، ولو اتعرض عليا نفس الحاجات دلوقتي مش هعملها».
نجاح مسلسل حكايات بنات
وتابعت:«حكايات بنات مشروع دينا وصبا من الجزء الأول وحقق نجاح كبير ولما جيت عملت معاهم الجزء الثاني والثالث كنت ضيف عليهم ومكنش عندي نفس إحساسهم أننا عملنا عمل فني ونجح وكبرناه، والمسلسل بالنسبالي تجربة، واستمتعت بها جدًا ورد فعلها عليا كان كويس، ولكن هو مشروع وخلص».