ياسمين عز : «ليه بتخبي على سلفتك إنك حامل»
185
قالت الإعلامية ياسمين عز في برنامجها «كلام الناس»، المذاع عبر قناة إم بي سي مصر، إن هناك أمرًا منتشرًا بين السيدات في مصر، مضيفةً: لما تكون المدام حامل مش بتقول لسلفتها موضوع الحمل، وده أمر غريب جدًا ولما سلفتها تسألها، تبرر ده بأن عندها انتفاخ في القولون".
وتابعت ياسمين عز : "هل القولون بيفضل منتفخ تسع شهور، وفجأة تولدي وتجبيلنا كائن بشري جديد في العيلة ويا سلام لو توأم، وبتبدأي تقولي لـ سلفتك أصل الموضوع جيه فجأة"، وتابعت: "بقالك 9 شهور ومش ملاحظة موضوع حملك، هل كنتي حامل في زتونة أكيد لا، وبالطبع كنتي عارفه بموضوع الحمل وبتتوحمي وبتتابعي مع الدكتور وبتاكلي بالليل حلاوة بالقشطة، واللي في جيب جوزك مش ليه هو، بيكون ليكي أنت والطفل".
ياسمين عز : «سلفتك هي أكتر واحدة هتساعدك»
ووجهت ياسمين عز ، نصيحة للسيدات قائلة: "قولي لسلفتك إنك حامل لأنك أكيد مش أول واحدة تحمل، في مليون سيدة حملت وخلفت، وكمان علشان سلفتك تساعدك وتقف جنبك ولو ساكنة قريب منك هتكون أقرب حد ليكي خاصة لو جوزك في الشغل".