كشفت الفنانة نبيلة عبيد عن رغبتها في تقديم قصة حياتها، والتي ستكشف خلالها عن كواليس جميع الأعمال التي قامت بها خلال مشوارها الفني، بالإضافة إلى حديثها عن بعض الأعمال التي لم تكن راضية عنها، وذلك من خلال ندوتها في مهرجان أسوان لأفلام المرأة.

نبيلة عبيد تكشف تفاصيل تقديم قصة حياتها

وقالت نبيلة عبيد خلال ندوتها في مهرجان أسوان لأفلام المرأة: "حصلي حاجات كتير في الأفلام هتفيد الأجيال الحالية ويشوف مدى صبري وتحملي وحرماني، أنا مباكلش لحد دلوقتي عشان أنا بعمل نبيلة عبيد تبقى بالشكل ده".

وأضافت: "أنا بحرم نفسي من حاجات كتير حتى إني مبقتش أم عشان أبقى متفرغة لفني، وعمري ماعمل أي حاجة مش عايزها المخرج، نبيلة عبيد الانسانة كانت شغالة عند نبيلة عبيد الفنانة".

نبيلة عبيد وحبها للرقص

وقالت نبيلة عبيد يوم الأحد خلال ندوتها في مهرجان أسوان لأفلام المرأة: "بعد فيلم رابعة العدوية، عملت بعض الأفلام لم أرض عنها، فتوقفت وقلت لا، لازم أرجع للمستوى الأول، وبالفعل ده اللي حصل، ولم أضطر لعمل فيلم مش مقتنعة به".

وأضافت: "كانت أمنية حياتي أعمل دور راقصة، لأنني بحب الرقص جدًا، عملت (الراقصة والطبال) و(الراقصة والسياسي)، والاتنين مختلفين تمامًا، فسمير سيف، ووحيد حامد وكل فريق الفيلم كانوا حرصوا على كل التفاصيل، ولما أتعرض الفيلمين تركوا أثر كبير في الناس، وبشوفهم من أحلى الأفلام اللي قدمتها".