حلت الفنانة شيري عادل وزوجها الفنان طارق صبري ببرنامج صاحبة السعادة مع الإعلامية إسعاد يونس المذاع على قناة DMC، وكشف الثنائى موعد حفل الزفاف، إذ أعلنت شيري عادل أن حفل الزفاف سيقام في الصيف المقبل، وعن السبب قالت: «كان نفسى أعمل فرحى على البحر، قولت نعلمه فى الصيف، بالنسبة له الفرح مش أهم حاجة، قال لى: نتحوز وبعد كدة نعمل الفرح».

علاقة شيري عادل بزوجها طارق صبري

وعن عيوب كل منها قالت شيرى عادل: «نفس عيوب قبل الجواز عمر ما اتنين هيعرفوا بعض قبل الجواز زى بعد الجواز وأضافت شيرى: «بعد الجواز أنا اتغيرت للأحسن».


كشف الثنائي  لـ"صاحبة السعادة" كواليس بداية قصة حبهما، فقال صبرى: «أنا وشيري نعرف بعض من أيام مسلسل بنات سوبر مان فى 2016، وكنا أصحاب فى الشغل عادي، بس مكانش فيه حاجة عاطفية، فقط كنت أتواصل معها على فترات».

وأضاف طارق صبرى: «كنت معجب بيها، وفى مرة عرضت عليها نتقابل، قال لى أنا قاعدة جنب القط بتاعى ومش بنزل وقتها شعرت أنها ترفضنى على استحياء».

واستكمل طارق صبرى: «روحت لصديقنا المستشفى، وكلمتنى شيري عشان تعرف تفاصيل حالته الصحية، وقلت لها نروح مع بعض، واستغليت الفرصة».