الأم المثالية في الإسماعيلية.. قصة كفاح رغم المرض والألم
225
حصدت نادية سليمان ابنة قرية أبو عطوة بلقب الأم المثالية في الإسماعيلية، فبرغم ظروف المعيشة الصعبة إلا أنها استطاعت تربية أبنائها، وقالت لـ بوابة المواطن الإخبارية: «زوجي توفى وانا في سن صغير من 25 سنة، توفي بالسرطان وترك 3 أولاد ولما بدأ رحلة العلاج في القاهرة، الولد كان عنده 13 يوم بدأت، ولما توفى كان عنده شهر بالظبط».
الأم المثالية في الإسماعيلية
تلك الأم المثالية كرست كامل وقتها ومجهودها لتربية أبنائها، وتابعت: «مؤمنة بقضاء الله وقدره، لأنه فارقنا في سن صغير بس اهم حاجة الواحد يتحلى بالصبر، الموت مفيش مفر منه بدأت ارعى عيالي واخد بالي منهم، عشان خايفة عليهم، وكنت كل حاجة بعملها انا بنفسي، وربنا كان معانا مش بيسينا والظروف المادية كانت قليلة والمعاش قليل».
نادية كانت مدرسة وأصابها المرض في فترة من الفترات، لكنها لم ترغب بأخذ أي إجازة من أجل أبنائها، واستطردت حديثها:«كان المعاش قليل بس ربنا بارك فيه، وكنت كل حاجة بعملها بالمعاش وبكمل بمرتبي، والحمدلله كانت العيشة بسيطة وحلوة، وقبل ما يتوفى زوجي كان بيحلم إنه يودي والدته الحج وربنا اكرمنا وطلعت الحج».
مفاجأة اختيارها أم مثالية
تقطن نادية الأم المثالية برفقة والدتها وحماتها التي هي في الأصل حماتها:«معايا حماتي عايشة معايا في نفس البيت ووالدتي احنا اسرة بنكمل بعضنا بعد ربنا، اصابني المرض في وقت معين والحمدلله طلعت اولادي أشخاص صالحين في المجتمع وسمعتهم كويسة والحمدلله ربنا كان معانا، ومبسوطة عشان تم اختياري أم مثالية مكنتش متوقعة، ولادي كانوا مقدمين بس مكتنتش متوقعة».