«بتروحي لماما من الفجر».. ياسمين عز تهاجم الزوجات لهذا السبب

وجهت الإعلامية ياسمين عز، مساء اليوم السبت، نصائح للزوجة المصرية بشأن الخروج في أيام شهر رمضان المبارك، وذلك من خلال برنامجها "كلام الناس"، المذاع على قناة MBC مصر.

وقالت ياسمين عز في نصائحها للزوجات: "الأحسن تقعدي تفطري في البيت مع جوزك مش لازم تخرجي في رمضان، وبعدين تخرجي تروحي فين"، مضيفةً، "وأنتِ عندك فرعونك في البيت، هو المنتزة أصلًا، عندنا في الدنيا نعمتين هم: الراجل والنعمة الثانية الأكل والشرب".

نصائح ياسمين عز للزوجات

وشددت على الزوجة عدم تأخيرها للذهاب عند حماتها : "شهر رمضان طويل 30 يوم وعايزين نعديه بسلام، وأما تكوني معزومة عند حماتك بتروحي قبل الفطار بـ5 دقايق".

واستكملت: "وتقولي ليها أساعدك في حاجة يا حماتي؟ تساعديها في إيه؟ ما هي عملت كل حاجة من بدري، وعند مامتك تروحي عندها من الفجر".