أول تصريح من أيتن عامر حول خلافها مع طليقها
الثلاثاء 21/مارس/2023 - 08:25 م
تصريحات أيتن عامر
سمر عبدالمحسن
طباعة
كشفت الفنانة أيتن عامر، اليوم الثلاثاء، تفاصيل الخلاف الذي حدث بينها وبين طليقها محمد عز العرب، بعد أن وصل الوضع إلى رفع قضية ضده بتهمة السب والشتم والضرب، قائلةً: «أنا كل اللي عاوزه أقوله لهم إنه كل حد فينا بيمر بظروف مش لازم الناس كلها تبقي عارفاها، لأن أنا بعتبر نفسي إنسانة زي الناس كلها بيعدي عليا أوقات صعبه وبيعدي عليا أوقات حلوة».
وعن فكرة الارتباط مرة أخرى علقت: « دي حاجات في علم الغيب اللي ربنا رايده هو اللي هيكون»، وكانت قد تعرضت الفنانة أيتن عامر إلى الضرب والسب هي ووالدتها، على يد طليقها المصور السينمائي محمد عز العرب، يوم الخميس الماضي، حيث قامت مشاجرة بينهم داخل كمبوند شهير بالشيخ زايد، وقام طليقها بخطف أطفالها، فيما جرى استدعاء النجدة وتحرير محضر رسمي بالواقعة، وتولت النيابة التحقيق.
وأضافت أيتن عامر، خلال لقائها في برنامج "اي تي بالعربي": «اللي أنا بحاول أصدره دايما للناس الطاقة الإيجابية اوريهم الجانب المشرق ده الأهم بالنسبالهم، لأن ده دوري الجانب المظم ده معتقدش إنه هيبقي مفيد للناس خالص بالعكس، أنا مش حابه أن أنا أبقى باصدر طاقة سلبية، وأنا لحظات انفجارى بتبقي قليلة جدا الحقيقة، اشتغلت على نفسي كتير الفترة الأخيرة وكنت بقرأ كتير كتب في التنمية البشرية وتطوير الفكر، الحاجات دي فادتني الحقيقة».
تفاصيل خلاف الفنانة أيتن عامر وطليها محمد عز العرب
وتابعت: «كتير علمتني ازاي اتحكم في كل حياتي في كل الجوانب بتاعتها، واكيد الناس طبعا بيبقوا عارفين انه الفنان زيه زي اي حد بني ادم، ممكن الناس اللي بيتفرجوا علينا دلوقتي بيقوا عندهم حاجات كتير جدا مخبينها جواهم ومش عايزين يقولوها، احنا كلنا بشر زي بعض ربنا يهون علينا وعليهم».
وعن فكرة الارتباط مرة أخرى علقت: « دي حاجات في علم الغيب اللي ربنا رايده هو اللي هيكون»، وكانت قد تعرضت الفنانة أيتن عامر إلى الضرب والسب هي ووالدتها، على يد طليقها المصور السينمائي محمد عز العرب، يوم الخميس الماضي، حيث قامت مشاجرة بينهم داخل كمبوند شهير بالشيخ زايد، وقام طليقها بخطف أطفالها، فيما جرى استدعاء النجدة وتحرير محضر رسمي بالواقعة، وتولت النيابة التحقيق.
