بسمة وهبة تتصدر الترند بعد بكائها في حلقة محمد فؤاد
592
تصدرت الإعلامية بسمة وهبة الترند ومحركات البحث جوجل، إثر دخولها بنوبة بكاء في حلقة الفنان محمد فؤاد، في برنامجها العرافة خاصة بعد غناء أغنية طمني عليك، وكشفت عن سبب بكائها على السوشيال ميديا.
سبب بكاء بسمة وهبة بعد أغنية طمني عليك
عندما كان يغني الفنان محمد فؤاد أغنيته طمني عليك ظهرت على الإعلامية علامات انفعال وألم شديد ودخلت بنوبة بكاء، ووصل الأمر بأنها أوقفت غناء الفنان محمد فؤاد قائلة :-"كفاية".
شاركت الإعلامية بسمة وهبة فيديو وهي تبكي بعد غناء الفنان محمد فؤاد، وعلقت :-"بص يا محمد يا فؤاد أنا بجد مش مسامحاك ومتشكرة ليك لان الأغنية بقيت اسمعها وعايزة أقول للسادة المشاهدين أن أغنية ممكن تكسر البني آدم من جوة وتحسسه بحزن شديد، زمان الأغنية دي لما كانت بتشتغل مكنتش بحس بالضعف ده ولا بكسرة القلب ده والحزن ده لكن أنا كبرت في السن".
تصريحات بسمة وهبة بعد بكائها
وتابعت :-"كل ما أكبر كل ما مشاعري بتكبر".وتابعت بسمة وهبة:" بحب ولادي وواحشني، بحلم اني اشوفهم وسعيدة لما بشوفهم، مش مسامحة انك اتكيت على الحتة دي ودموعي تنزل مش هو ده الصح زعلانة منك، مدربة نفسي، الاغنية شغالة، كلمات الأغنية صعبة للي مفتقد شخص".
وأوفصحت عن تعايش أولادها في بلاد مختلفة :-"ولادي لما بيوحشوني بروح على صورهم واشوفها عشان تصبرني وانا ولادي مش عايشين معايا من صغرهم كل واحد في بلد انا كبرت وعرفت دلوقت اني كبرت لان مشاعري مش بتتحمل، بيوحشوني أكتر من الأول".
واختتمت قولها :-"وبشتاق لهم اكتر من الاول ونفسي أعيش معاهم اكتر من الاول أنا لولا اني بحترم المحطة كنت سبت الحلقة بس انا كملت الحلقة، ومش مسامحاك يا محمد يا فؤاد ولا مسامحه كل واحد تآمر معاك عارف نقطه ضعفي".