وعرضت الإعلامية أسما إبراهيم فيديو لتعليق تامر عاشور، قال فيه:« أنا بقول إن مفيش شخص يشوف، الموسيقى زي الفل والصناعة زي الفل، وطول الوقت عندنا فنانين كتير، يصعب عليا حد مصري، يقول انهارت، طب ما انت في الصناعة وعمود من عمدان الصناعة».

وعلق عمرو مصطفى على تصريحات تامر عاشور قائلا:«يا تامر فيه أغنية عملتها لمصطفى صندل التركي، انت أخدت اللحن والتوزيع الموسيقي ونزلتها أغنية ليك، وكتبت عليها اسم ملحن تاني، وانت المفروض جوة الصناعة، اللي بينتجوا الأغاني بيسرقوا الأغاني والألحان».

تصريحات عمرو مصطفى 

وتابع:« هل ده مش معناه إن الصناعة اتدمرت، هل وجود المهرجانات وصورتنا برة مصر واختفاء الناس الكويسة ده يرضيك».

وأضاف:«مش هعتب عليك إنك أخدت الأغنية بس انت مثل من الأمثلة اللي استباحت الجمل اللحنية لأشخاص موجودة وحية، مش هرد أكتر من كدة».