ألفت عمر تهاجم الرجال:«بعضهم بياخدوا فلوس من ستاتهم»
92
رفضت الفنانة ألفت عمر فكرة عدم عمل المرأة، وأكدت أن هناك بعض النساء تفوقن على الرجال في عملهن وكشفت عن رأيها خلال تصريحات تلفزيونية.
تصريحات ألفت عمر
وقالت الفنانة ألفت عمر:«السيدات هن القائمات على العمل، وهما اللي سايقين الدنيا، مفيش رجالة، أنا ضد تمامًا إننا نضع المرأة في دايرة مغلقة، الست على فكرة مقعدة بعض الرجالة في بيتهم، وفي رجالة قاعدة بتاخد القبض الخاص بزوجاتها فقط».
وتابعت:«وإحنا مش هنهزر دول خايبين، والستات اللي بتصرف عليهم أخيب منهم».
وأضافت:«أنا ضد الفرعون ومعجبنيش الكلام دا، وأي حاجة زيادة عن اللزوم أنا مبحبهاش، لأني مبلعبش على التريند، أنا بتكلم عن الواقع، فمطلعش أضحك على الجمهور علشان أكسب فلوس».
وتابعت:«وكنت عملت كدا كنت هبقى أشهر واحدة، لكن مبحبش فكرة خداع المشاهد، ربنا هيحاسبني عليها، وهما لسة موعيوش للفكرة دي».