وقالت درة:«الجواز مينفعش يكون هدف حياة البنت ولو معملتش دا يبقى محققتش حاجة، بالعكس ممكن السنجل تكون مبسوطة وأنا عملت أغنية من زمان مع أبلة فاهيتا عشان أقول كدا، ومش لازم البنت تتجوز عشان تفرحوا بيها وممكن تفرحوا بنجاحها ودراستها».

وتابعت:«أنا مكنتش رافضة الزواج أبدا، ولكني شخصية مترددة في كل شيء حتى في شغلي كمان حتى بعد ما آخد القرار ممكن أغير رأيي».

 وأضافت:« أنا بحب المزيكا جدا والغناء ولكني مش مطربة وأنا بيحصلي حاجات كتير ومعرفش سببها يمكن قدر مش شرط حسد، وأنا معنديش كل حاجة عشان أتحسد وزي كل الناس مفيش سبب يخلي حد يحسدني».

ووجهت درة بعض النصائح للسيدات قائلة: «لازم المرأة تختار اللي يناسبها ويناسب استايلها وشخصيتها ومش مجرد تقليد وخلاص وتعرف تنسق الملابس والألوان بدون ما يكون مبالغ».