مصطفى قمر: «بحب اسمع فيروز رقم واحد عندي»
203
كشف الفنان مصطفى قمر عن رأيه في أغاني المهرجانات والراب، وجاء ذلك خلال لقائه مع الإعلامية سهير جودة، عبر حسابها على موقع التواصل الاجتماعي فيسبوك.
تصريحات مصطفى قمر
قال مصطفى قمر:«أنا كلمت حمزة عشان أباركله على ألبومه الأخير، وقولتله يلا نقعد، وحاسس إننا بنقدم أغاني شبه بعض وممكن نقدم حاجة كويسة بيننا في الفترة الجاية، وهو فنان موهوب وبيختار كلام حلو جدا».
وتابع:«بحب أسمع فيروز، دي رقم واحد عندي، هى في مدرسة لوحدها، وفي الجديد أحب لو هتسلطن أسمع صابر الرباعي، وكاظم الساهر شايفه إنسان راقي والرقي ده مش بنشوفه كتير، ومهذب ومحترم، ولما قابلته فنان جميل».
وقال عن الكينج محمد منير: «أنا طلعت من عباية محمد منير، ده الأستاذ واللي عرفنا إيه كلمة برا الهجر والحب، عرفنا مجموع مشاعر مختلفة، ونغني للبلد بشكل مختلف، أنا مقصر شوية في حق محمد منير، واليومين الجايين هروح أقعد معاه وندردش نفسي أقعد معاه».