صدمة جديدة.. رحلة مشقة ومعاناة إنجي عبد الله مع المرض

كشفت الفنانة وملكة جمال مصر السابقة إنجي عبد الله عن معاناتها بعد إصابتها بمرض "ورم جذع المخ" ‘حيث أعلنت عن إصابتها بالمرض منذ 6 أشهر.

حيث أعلنت إنجي عبد الله عبر منشور  كتبته عبر حسابها الشخصي  "الفيس بوك"  عن كيف بدأت رحلتها الصعبة التى بدأت منذ سنوات ومازالت مستمرة حتي اليوم:" عدى 6 شهور بحاول أتعالج للمرة الثانية من ورم في جذع المخ‘ وهو مش سرطان‘ هو ورم حميد‘ لكن موجود في أخطر مكان في المخ". 

وأضافت  إنجي عبد الله :" للأسف كل الدكاترة في مصر وبره مصر‘ أساتذة في مجال الأورام والمخ  والأعصاب‘ رفضوا يعالجوني‘ لإني أخدت كل الجلسات الإشعاع والكيماوي المسموح ليا وللمكان الصعب ده سنة "2019" وكنت فاكرة خلاص انا تمام‘ لكن للأسف رجعت لي أعراض أسوأ بكتير من زمان".

وأوضحت:" أنا فقدت الأحساس بالجنب اليمين‘ وصعوبة في البلع وكهربا في جسمي كله لما بعمل أى حركة بسيطة حتي لما بحرك عيني‘ وفي حاجات تانية كتير. حتي أنا رجعت للمستشفي اللي إتعالجت فيه قبل كده‘ بنصيحة من الدكتور تامر النحاس‘ اللي هو شخصيا رفض يعالجني‘ والمستشفي طلبت مني أمضي علي إقرار‘ إني مسئولة تماما عن كل اللي ممكن يحصلي لو اتعالجت‘ طبعا مشيت من الخوف".

وتابعت إنجي عبد الله:" دلوقتي أنا مع الدكتور الوحيد اللي وافق أنه يجرب علاجات خفيفة تلطيفية لمحاولة تحسين جودة الحياة مع إنتظار معجزة‘ أنا بس تعبانة جدا بقالي كتير وبدعي ربنا بحاجة واحدة بس‘ اللهم لا نسألك رد القضاء ولكن نسألك اللطف فية".

من هي إنجي عبد الله

هي ممثلة مصرية  حصلت علي لقب ملكة جمال مصر لعام 1999 ‘ وقد إتجهت إلي  مجال التمثيل .

تزوجت عام2015 من "ألبر بوسوتر" القائم بأعمال سفارة تركيا بالقاهرة .

أعلنت عام 2016 عن إصابتها بورم في المخ والنخاع الشوكى.

بدأت حياتها الفتية بفيلم "بدر" عام 2001 مع بطل الكونغ فو "
يوسف منصور"‘ وتم ترشيحها للدور بعد فوزها بمسابقة ملكة جمال مصر ‘ لتبتعد عن التمثيل لفترة‘ قبل أن تعود من خلال مسلسل "إمرأة فوق العادة" ‘ وتتوالي بعدها أعمالها ما بين السينما والتليفزيون.

أعمال إنجي عبد الله

فيلم "بدر" عام 2001.

مسلسل "ساعة عصاري" عام 2007.

مسلسل " النار والطين"  عام 2012.

مسلسل "أحلام" عام2013.

للمزيد حول أخبار إنجي عبد الله ملكة جمال مصر أضغط هنا