باسم يوسف في أول ظهور له: أجري بيهدد جوازي ومصر وحشتني
تحدث الإعلامي باسم يوسف عن حقيقة الأجر الذي يتقضاه وابتعاده عن مهنة الطب، وذلك في أول ظهور إعلامي له بعد غياب 14 عام عبر شاشة قناة ON، التي شهدت بدايته الإعلامية عام 2011، مشيرًا إلى إنه يشعر بالحنين لتلك التجربة التي كانت بداية انطلاقه نحو الشهرة.
تصريحات باسم يوسف
ومازحه الإعلامي أحمد سالم في البداية قائلاً: "اتفقنا هتقولي أستاذ هقولك يا دكتور، وأنا عارف علاقتك بالطب مش زي الأول"، ليرد باسم يوسف ضاحكًا: "أنا فقدت الحق إني يتقالي دكتور، بقالي 15 سنة ما حطتش إيدي على عيان، وده لمصلحتهم، أنا فقدت الأهلية دي من زمان جدًا".
وكشف باسم يوسف أثناء الحوار عن الشائعات التي تطوله مع كل ظهور إعلامي، موضحًا: "كل ما بطلع في أي برنامج أو لقاء تطلع شائعات إني باخد فلوس كتير، وده بيهدد جوازي، ومراتي الله يكون في عونها، بيقولوا إني باخد مبالغ ضخمة علشان أقدم برنامج أو أسكت، وإن في جهات خارجية بتمولني من بره وداخلية من جوه!".
وأكد: "بقولها أنا ماخدتش 22 مليون جنيه، أنا خدت 22 مليون دولار! وبقول لكل الجهات القائمة على الإعلام الغربي: ده أجري وسعري، وعندي استعداد أقدم أفلام أو أعياد ميلاد أو حتى طهور، اللي أنتم عاوزينه".
وعن ارتباط اسمه الدائم بالجدل، قال باسم يوسف: “مش عارف التوقعات قايمة على إيه.. ساعات بحس إني في مكان مش بتاعي، مش عارف أنا محظوظ ولا موجود في مكان ما استحقوش، حاجة جوايا بتقولي: "إنت مش كوميديان، إنت وليد صدفة، بحس إني الراجل الغلط في المكان الغلط".
وتابع: "بلاقي نفسي في أخبار السياسة مش الكوميديا.. زي تريزيجيه اللي تلاقي أخباره في صفحة الحوادث!".
وتحدث عن بداياته قائلاً: "معظم الشباب الصغير مش فاهمين ليه الدوشة؟ مين عمو اللي طالع على التلفزيون ده؟ الناس دلوقتي بتدور على التسلية، لو عملت لقاء مع لعيب كورة أو ممثل أو إنفلونسر الناس هتدفع وقتها وفلوسها علشان تتسلى".
وأشار إلى رؤيته لفكرة "القيمة" في عالم الشهرة: "الناس بتجيبك كدكتور كاحتياج، لكن اللي بيروح ماتش كورة أو ستاند أب كوميدي رايح بمزاجه، الناس بتدفع للمزاج أكتر من الاحتياج، كلنا في الآخر سلع، والناس بتروح للي بيسليها".
وعن سؤاله حول اشتياقه لمصر، قال باسم يوسف: "طبعًا وحشتني مصر، بس في نفس الوقت خايف، لأن مصر اللي وحشتني هي مصر 2014.. خايف من عدم التعود".
وواصل: "أقدر حرص البعض على الكوميديا؛ هناك من يدفعون تذاكر لحضور حفل ستاند أب كوميدي.. الشخص محتاج ينبسط".
وعبر باسم يوسف عن استياءهم من التصريحات التي تبالغ في الاحتفاء به، قائلًا: "دائما يُثار اسمي مع جدل وسياسة، وأنا لا أرى أني أستحق ذلك، دائمًا أشعر إني في مكان ليس مكاني، وأنا شخص كوميدي مقدم كوميديا، لا أعلم لماذا يربطني البعض بالسياسة".