كنت حابب تكون بصوتها هي.. أحمد زعيم يطرح أغنية مابكدبش

طرح المطرب أحمد زعيم أحدث أعماله الغنائية أغنية مابكدبش، من ألحانه وإنتاجه، وكلمات الشاعر محمد عاطف، وتوزيع وميكس وماستر عمرو الخضري، وتم تنفيذها وإخراجها بتقنيات الـ AI على يد المخرج محمد شحاتة.
 

أحمد زعيم يكشف عن رد فعل شيرين عبد الوهاب

كشف أحمد زعيم عن مفاجأة خاصة تتعلق بالأغنية، قائلاً: “الأغنية دي ليها معزة خاصة جدًا عندي، كتبها محمد عاطف بإحساس حقيقي جدًا، ولما خلصت لحنها كنت حابب إن شيرين عبد الوهاب تغنيها، خصوصًا بعد تعاونا قبل كده في هو ده وابتسمت، وبالفعل سمعتها شيرين وأعجبت بيها جدًا وقالتلي: ”الأغنية دي محدش هيغنيها غيري".

وتابع: “الأغنية فضلت فترة طويلة زي ما هي من غير أي خطوة جديدة، لكن كانت دايمًا بتجيلي في أحلامي، خصوصًا جملة حلمت أنا بيك. وده حصل فعلاً، لأن زوجتي أنا شوفتها في حلم قبل ما أعرفها واتجوزنا بعد كده. كانت القسمة والنصيب من خلال حلم فعلاً”.

وأوضح: “قابلت الشاعر محمد عاطف وقلتله نفسي أغني الأغنية دي، وكلم شيرين وشرح لها قد إيه أنا مرتبط بيها، فرحّبت جدًا ووافقت. بعدها بدأت أجهزها مع الموزع عمرو الخضري اللي أضاف لمسات جميلة بتوزيعاته وفواصله الموسيقية. متفائل إنها تحقق نجاح كبير إن شاء الله”.

فوزه بجائزة الدير جيست

وأعرب أحمد زعيم عن سعادته بفوزه بجائزة أفضل مطرب شاب في مهرجان دير جيست 2025 عن أغنيته حب تاني، كلمات محمد يونس، وألحانه، وتوزيع أحمد عبد السلام، وميكس وماستر خالد سند، وإخراج أحمد علاء الجندي، وإشراف وتنفيذ هاني صارو، وقال: “كنت مبسوط جدًا بالجائزة دي لأنها نتاج تعب كبير أنا ومدير أعمالي هاني صارو وفريق العمل كله، واللي لحد دلوقتي بنشتغل مع بعض بنفس الحب والإصرار”.

كما عبر أحمد زعيم عن رضاه بنجاح أغنيته "هد حيل"، من كلمات محمد يونس، وألحان أحمد زعيم، وتوزيع أحمد المغربي، وميكس وماستر ماهر صلاح، وإخراج عمر أيمن.

واختتم أحمد زعيم، قائلاً: “الفترة الجاية إن شاء الله هتلاقوني في تعاونات مع الفنانة إليسا، والفنان هاني شاكر، والفنانة رحمة رياض، والفنان وائل جسار، وغيرهم، كمان في أعمال درامية لأفلام ومسلسلات بصوتي قريب جدًا.. خلاص مش هغيب تاني”.

كلمات أغنية مابكدبش

كلمات أغنية مابكدبش: أما بفضل أقول
حلمت أنا بيك سنين ياما
أنا في أحضان عيونك دول
من الدنيا دي بتحامى

بدأت أتأكد إن حياتي من غيرك ولا تتعاش
دي فرحة قلبي مالقيتهاش إلا معاك
ماكنتش أعرف إن الحب بيعلي كده الإحساس
نسيت الدنيا دي والناس وأنا وياكحبيبي إنت ابتسامتك عيد
وهمساتك بموت فيها
غلاوتك كل لحظة تزيد
عن اللحظة اللي قبليها