يكشف خالد النبوي لأول مرة كواليس تعاونه مع يوسف شاهين وإيناس الدغيدي

نظم مهرجان القاهرة السينمائي الدولي في دورته الـ 46 جلسة حوارية للنجم خالد النبوي، اليوم الأحد 16 نوفمبر، في ثالث فعاليات أيام المهرجان على المسرح الكبير بـ دار الأوبرا المصرية، وتحدث عن يوسف شاهين وإيناس الدغيدي ومدحت العدل وعن تعاونه معهم.

تصريحات خالد النبوي عن يوسف شاهين و فيلم المهاجر

وقال الفنان خالد النبوي خلال الحوار: "يوسف شاهين عبقريته في خلق المناخ المناسب لكل لحظة، كل لحظة لها مناخها المستقل، دي عبقريته، هو بيعرف يتعامل كويس مع الوحدة المفردة، مش الممثل ككل، لكن إيده، عينه، جسمه، هكذا".

وتحدث عن مسؤوليات وواجبات الممثل، وقال: "الانضباط غير العادي، لحد إنه ما ينفعش يمرض لأنه مرتبط بالآخرين، مينفعش عالمسرح فيه ملايين جايين علشان سيادتك، والممثل هو اللي يقدر ينتقل للجانب الآخر، وده محتاج شجاعة كبيرة علشان تنتقل من الجانب الشخصي للجانب الآخر الخاص بالشخصية اللي بتجسدها، كمان الالتزام بالتعاون مع الجميع في العمل".

وقال أيضا إنه استمتع بالتمثيل أمام كاميرا المخرج الكبير يوسف شاهين "حسيت إني في زمن آخر، فيلم المهاجر جاءني بعد مسلسل بوابة الحلواني، ووقتها كان عـُرض عليّ أيضا قبل المهاجر فيلم ديسكو ديسكو وفيلم ضحك ولعب وجد وحب، وأستاذ يوسف شاهين كنت عامل معاه (القاهرة منورة بأهلها)، وقالي لازم تتفرغ سنة عشان المهاجر، رحت للمخرجة إيناس الدغيدي قلتلها اللي حصل لاني ماضي معاها عقد فيلمها، قالتلي اجري على يوسف شاهين، هو أهم مني وأنا هقطع العقد، وكان ممكن جدا تقولي لأ ومعرفش أعمل الفيلم ده، فشكرا أستاذة إيناس الدغيدي".

خالد النبوي يكشف كواليس تقديم علي الحلواني مع مدحت العدل 
 

أضاف خالد النبوي عن كواليس شخصية السات قائلا: "لما جينا نعمل شخصية السادات.. أنا كنت حريص ازاي نبين أننا ناس مش بتوع عدوان وأذكياء".

واستكمل: "مدحت العدل من رام لحد علي الحلواني كان بيدور ازاي يعمل معايا فيلم.. وأنا بشكره على قتاله عشان الديلر يطلع للنور.. مدحت العدل أحلى خد وهات بين ممثل وسيناريست.. وأكبر فكرة إنسانية حملها مدحت العدل لعلي الحلواني هي فكرة الأب.. هذا هو سر علي الحلواني، ونفسي حلم شبابنا يكون بلدنا مش بلاد أخرى.. احنا بلدنا تجنن بس ناخد بالنا منها".

للمزيد حول خالد النبوي إضغط هنا