عزيز الشافعي يحسم الجدل حول أغنية قرار غلط لـ عمر كمال

أصدرالملحن عزيز الشافعي بيانًا رسميًا للرد على الجدل الإعلامى حول أغنية عمر كمال الجديدة بعنوان "قرار غلط"، مؤكدًا أن الأغنية من كلماته وألحانه وتوزيع صديقه نادر حمدى.

وقال عزيز الشافعي فى بيانه: "أغنية قرار غلط لـ عمر كمال التى تم طرحها من كلماتى وألحانى وتوزيع صديقى العزيز نادر حمدى، وليس لها علاقة من قريب أو بعيد بالخلاف المثار إعلاميًا بخصوص ألبوم المطرب عمر كمال، الذى تنتجه شركة محترمة كانت بصدد إنتاج ألبوم للفنان الكبير محمد فؤاد، وحصل بينهم اختلاف وتم إلغاء المشروع".

وأضاف أن هذه الأغنية تم تجهيزها خصيصًا للمطرب عمر كمال ولم تعرض على أي فنان آخر من قبل وهذا توضيح هام متابعًا: "بالمناسبة فيه نقطة أحب أوضحها لحضراتكم بخصوص أغنية (صاحبتي) وهي من كلماتي و الحاني، توزيع صديقي العزيز توما و تم تسريبها بصوت الفنان محمد فؤاد لأنها كانت ضمن اختياراته لألبومه ولم يتم التنازل عنها لأي جهة بعينها".

وتحدث عزيز الشافعي عن ترسيب أغنية "صاحبتي" أكد: "التسريب ده ضرني وضر المطرب اللي هيغني الغنوة فعلا و هي غنوته ، اللي هو الصديق و الزميل كريم محسن و هي نازله في ألبومه خلال أيام، وبعتبر الجهة اللي سربت الأغنيه دي بدون وجه حق هي جهة معتدية على حقوقي بدون سبب و بدون مبرر".

وأتم: "خلافا للتقاليد المتبعه لحماية حق المؤلف و الملحن، بكتفي حاليا بالبيان ده، و أرجو من الجميع احترام الحق الأدبي والمادي للمبدع المصري و إحترام القوانين و الأعراف الفنية".

طرح ألبوم عمر كمال الجديد

طرح المطرب عمر كمال، منذ قليل، أحدث أغنياته "قرار غلط"، ضمن ألبومه الغنائي الجديد "رهان كسبان"، وذلك عبر منصّات الموسيقى المختلفة.

أغنية "قرار غلط"، كلمات الشاعر عزيز الشافعي، ألحان وتوزيع نادر حمدي، غناء عمر كمال.

كلمات أغنية قرار غلط

كان قرار غلط .. لما سبتك

كان قرار غلط .. كان عبط

كنتى أحلى حاجة فى الحياة دى حصلت

حالى بيكى انتى أتعدل واتظبط

يظهر انى مش وش نعمة

ما اللي يفرط فى الجمال ده يبقى أعمى

كان اتقطع لسانى ولا قولت كلمة

تزعلك ده انتى فى سمايا أعلى نجمة

كنتى ضحكة بعد حزن

كنتى فرحة بعد عمري

كنتى حلو بعد مر كنتى رزقي

نسمه هوا فى عز حر

أدام الخير بعديه شر

حضنى ياما لمنى فى عز ضيقتى

كنتي حبيبتى قلبك عليا

كنتي حلم وبين أيديا

الخساره مش عاديه

اللي ضيعتو بأيديا

اللي ضيعتو بأيديا

هيعمل ايه الندم بعد منك

هيعمل ايه الندم غير ألم

واضح انك كنتي كتير عليا

كنتي حلم بنيتو و بأيدى اتهدم

يظهر إني مش وش نعمة

ما اللي يفرط فى الجمال ده يبقى أعمى

كان اتقطع لساني ولا قولت كلمة

تزعلك ده أنتي فى سمايا أعلى نجمة

كنتي توبة من ذنوبي

كنتى ميزة من عيوبى

سكره فى حضنى تدوبى

كنتى وردة

كنتى غير كل إلى قبلك

خدتى قلبى لما قابلك

من ساعتها معاكى ولحد النهاردة

كنتى حبيبتى قلبك عليا

كنتى حلم و بين أيديا

الخسارة مش عادية

اللي ضيعتو بأيديا