بمشاركة زياد ظاظا.. عمرو مصطفى يخوض تجربة جديدة في صالونات ريد بول

خاض الفنان عمرو مصطفى تجربة مختلفة تجمعه بالجيل الجديد من صناع الموسيقى في مصر، حيث قدّم أمام الجمهور تحديًا لصناعة أغنية كاملة خلال أقل من ست ساعات، تجمع بين رؤى الشباب وخبرة عمرو الطويلة في عالم المزيكا.

تحدي عمرو مصطفى مع زياد ظاظا ومعتز ماضي 

جاء التحدي ضمن الحلقة الرابعة من برنامج صالونات ريد بل، بالتعاون مع “ريد بل”، وشارك فيه مؤدي الراب زياد ظاظا والموزع الشاب معتز ماضي. 

وفي الحلقة، حرص عمرو مصطفى على توضيح طريقته في استخدام الذكاء الاصطناعي داخل عملية صناعة الموسيقى، مشددًا على أن الـ AI مجرد أداة توسع خيارات وآفاق الموسيقي، بينما يبقى الإنسان هو المتحكم وصاحب القرار.

وخلال الحلقة، اتفق الثلاثي على البدء بـ تلحين عمرو مصطفى، ثم كتابة زيادة ظاظا للكلمات وتسجيلها، وصولًا لمرحلة التوزيع التي تولاها معتز ماضي، وكان ملفتًا انبهار زياد ومعتز بآلية استخدام الذكاء الاصطناعي التي خاضاها لأول مرة.
 

وأكد عمرو مصطفى أنه ذهب للتجربة بهدف الاستماع لجيل جديد من المبدعين، قائلًا مرارًا خلال الحلقة: “كنت رايح الحلقة مش كقائد ورايح أسمعهم، بس لقيتهم مستجيبين ليا، أنا عايز الناس تشتغل بقى، سيبوهم يطلعوا أفكارهم ومنحتكرهمش، لأن الجيل الجديد له فكر ودماغ مختلف، عشان كده أنا في تحدي أوصلهم، ولو إحنا قعدنا نتخانق مع بعض هيفضلوا هما متقدمين، فلازم نتحد ونبقى جيل واحد”.

أما عن اعتماده على الذكاء الاصطناعي، فقال: “أنا دايمًا ببحث عن إيه الجديد في صناعة الموسيقى؟ الصولو اللي عمله AI مش بيخلق موسيقى لأن الإنسان هو اللي بيقوده. 

واختتم: "أنا كعمرو مصطفى لحنت ودخلته لـ AI فطلعلي النتيجة هي الشكل الموسيقي، لأن أنا مش موزع، هو بيوريني أشكال موسيقية مختلفة وبديها للموزع وبنختار منها واللي بنتفق عليه هننفذه”.

تكريم عمرو مصطفى في مهرجان ذا بيست 

وكان قد تم تكريم عمرو مصطفى في حفل ذا بيست، منذ أيام، تقديرًا لما حققه من نجاحات لافتة خلال عام 2025.

وعقب تسلمه الجائزة، قال عمرو مصطفى: “أنا عايز أقول إن الجايزة ديه حابب أقسمها زمايلي مع كل اللي اشتغلوا معايا في الأغاني اللي نجحت، زي تامر حسين والموزع أسامة الهندي”.

كما وجه رسالة خاصة للهضبة عمرو دياب بعد تعاونٍ جديد جمعهما هذا العام في ألبوم "ابتدينا"، مضيفًا: “بشكر عمرو دياب طبعًا إن السنة دي عملنا أغاني حلوة، إحنا بقالنا أكتر 25 سنة، من أول 1995 لحد النهارده، من أول أغنية خليك فاكرني لـ خطفوني".