بعد الحجز على ممتلكاته.. التفاصيل الكاملة لخلافات حسن شاكوش وريم طارق

فتح مطرب المهرجانات حسن شاكوش ملف أزمته مع طليقته ريم طارق من جديد، بعدما كشف خلال لقاء تليفزيوني أنه يشعر بالندم على التجربة قائلاً: "أنا اتظلمت كتير وأكتر حاجة ندمان عليها في حياتي جوازتي"، منتقدًا محاولة بعض النساء تلميع صورة أزواجهن قائلاً: “لو جوزها فيه العِبر وعضم في قُفة تطلع تقول دا أعظم راجل في الدنيا”.

تعليق حسن شاكوش على كلام طليقته

وعبر حسن شاكوش مقطع فيديو نشره على فيس بوك، علق شاكوش على تصريحات ريم الأخيرة: "قلت مستحيل أتكلم على واحدة كانت مراتي ولا عمري جبت سيرة بنت بأي حاجة وحشة".
وأضاف: “زي ما الست ليها شرف وكرامة، الراجل ليه شرف وكرامة برضو، وأنا من منطقة شعبية وراجل صعيدي”.
وأشار إلى أنه التزم الصمت احترامًا للعشرة السابقة: “ما اتكلمتش مش خوف ولا ضعف اتجوزت 55 يوما فقط”.

في برنامج رامز جاب من الآخر

ظهر حسن شاكوش في برنامج رامز جاب من الآخر، وقال: “ قصة طلاقي من ريم مش عاوز أحكيها.. اتجوزنا شهرين وربنا عارف مين الظالم والمظلوم”.

أما ريم فردّت على سؤال رامز حول سبب الانفصال بقولها: «بيعمل حاجات أنا مش موافقة عليها، لأ عمره ما ضربني".

وأكدت ريم طارق: “مفيش صلح.. وكل اللي حصل كان لعبة، وعبر إنستجرام، قالت في فيديو جديد: "فعلًا عملت الفيديو علشان أخد حاجتي، وهرجع وأقول إن مفيش صلح حصل وكل اللي حصل كان فيلم ولعبة عليا”.

اتهامات بالخيانة وجمع أموال بث مباشر

وأوضحت ريم طارق في حوارها مع بسمة وهبة أنها اكتشفت خلال شهر رمضان رسائل وتصرفات جمعت بين حسن شاكوش وممثلة مشهورة، قائلة: “راح أكل معها في شاليه، ولما رجع كتبت له: ”إنت وصلت يا حبيبي، قعدت 30 يوما أشوف حاجات زي كده".

كما أشارت إلى واقعة جمع تبرعات عبر البث المباشر: “بعد لما اللايفات خلصت أخد الفلوس، كانوا حوالي 30 ألف دولار”.

مسار قانوني مفتوح

قانونيًا، تتابع النيابة العامة التحقيق في بلاغات رفعتها ريم طارق، من بينها اتهامات بالضرب وتبديد منقولات الزوجية وإيصال أمانة.
كما تبحث الجهات المختصة بلاغها بشأن "طردها من مسكن الزوجية"، لتحديد كون المسكن محل إقامة زوجية أم لا، قبل إصدار قرار التمكين.

وكانت ريم  28 عامًا قد حضرت لقسم شرطة أكتوبر وقدمت بلاغًا ضد حسن منصور الشهير بـ "حسن شاكوش"  تتهمه فيه بالاستيلاء على منقولاتها وشبكتها وإيصال أمانة.