محمد سلام أول ظهور بعد مسلسل كـارثة طبيعية يكشف كواليس دخوله التمثيل
محمد سلام في أول ظهور لي بعد مسلسل كـارثة طبيعية يكشف كواليس دخوله التمثيل.
الفنان محمد سلام الحلم بنسبالي الأول مكنش تمثيل كان نفسي أدخل كلية هندسة ولكن مجموعي كان جايب تجارة وانتسـاب كمان فحلم كلية هندسة ساعتها بنسبالي ضاع إني اكون في كلية هندسة لاني كنت بحب الرياضيات جدا .. فكنت حلمي بعد ما دخلت كلية تجارة اني ابقا معيد ف اول سنة سقـط في ال 5 مواد .
فالحلم عمال يروح مني كل شوية فنفس اليوم دا شيـلت هـم و بقيت محبـط مش عارف اقول لاهـلي إيه بكلم صحبي في الجامعة قالي انا في المسرح تعالالي فـوق فقعد معاه عشان نهـون على بعض شويه فهو كان شغال بروفة على المسرح ف انا قعـدت على الكرسي اتفرج فحسيت ان كل الاحلام والسنين الي فاتت هي دي اللحظة الحقيقية ودي اللحظة الفـارقة معايا كلمت صحبي قولتله عايز امثل قالي كلم المخرج وكدا ومن هنا بدأت في مسرح الجامعة .. وبقيت على مسارح الدولة وبقدم انترفيوهات كتير واترفـض لحد ما عملنا قهوة سادة مع استاذ خالد جلال الي حابب اشكره جدا من بعدها بدأت اتعرف واعمل حاجات كتير وعملت سينما ودراما ومسرح
الحلم مش هيتحقق بسهـوله لازم تتعـب عشانه أوقات هيعدي عليك فشـل واحبـطات ولازم تعدي كل دا ..
أنا لقيت نفسي في المكان دا لحـد موصلت الحمدلله إني اعمل اول بطولة مسلسل ليا مسلسل كـارثة طبيعية ومبسوط إني بحتفل بنجاحه هنا في ليبيا وبشكر واتش ات على الانتاج .
عايز اقول ان الكوميديا مش سهـله ومش مجرد إني بهـزر تبقا هي دي الكوميديا احنا الشعـوب العربية بيجمعنا الضحكة وزي ما بيقولو الضحكة مبتعرفش جواز سفر ولا حـدود الضحكة من القلـب للقلـب .
للمزيد حول الفنان محمد سلام اضغط هنا
للمزيد حول بوابة المواطن الإخبارية اضغط هنا