حوار سأنقله كما هو بذات اللغة البسيطة والدارجة عله يكون قريبا ومفهوما كفاية لكافة الطبقات
باغتني قائلا وهو ينظر لاحد البرامج التلفزيونيه مغلقا الحلقه " علي فكره أنا زهقت من كلمة ان في مؤامرات والحوار الفاضي ده "
نظر له قريبي الذي شارف علي الستين مهاجما إياه "والله منتو فاهمين حاجه ياجيل خايب يابتوع التيك توك والفيس بوك راميين خيبتكم كلها عالبلد"
وقبل ان يشتد الجدل نظر لي " ها مش عاوزه تقولي حاجه انتي كمان بما انك في التلاتينات ..يعني خربناها ولا مظلومين فيها " ؟!
ابتسمت وطلبت منه الجلوس فأفضل شئ هو النقاش دون شجار وان تستمع كل الأطراف جيدا لبعضهما البعض تستمع بمسئولية دون تنصل ودون هجوم او إلقاء بتهم او تسفيه
سألته بهدوء " تفتكر يااحمد الحروب والأحداث اللي قامت فجأه دي وبطريقه غريبه وبردّه ورا بعض وبأحداث متواتره صدفة؟!
فرد بسرعة" مالي أنا ومال الأحداث والحروب انا بكلمك علي هنا، مصر وبعدين احداث ايه هو في ايه؟!
ابتسمت " متتسرعش بس انت مش معزول عن العالم واللي يقولك غير كده غلطان تماما ، يعني يطلع لسوريا خريطه مفيهاش الجولان و الصومال تتقسم وتعترف بيها اسرائيل و ..
قاطعني " ايه ده هو الصومال انقسمت ؟! وسوريا مبقاش فيها الجولان هو حصل امتي الكلام ده؟! بس ما علينا أنا أصلا كنت بكلمك علي الأوضاع هنا في مصر أنا بس عاوز ألاقي شغل بسرعه والأسعار تقل شويه الاكل والبنزين مش من حقي ؟!
تنهدت قليلا وقلت له " طبعا من حقك بس في حق البلد عليك انك لازم تبقي فاهم وعندك نسبة وعي وفهم لكل اللي بيدور حواليك عشان تعرف تحميها كويس لان ممكن في لحظه متلاقيش لا قدر الله الارض والأمان وتبقي انت اللي ساهمت في ده بجهلك او يمكن العدو كمان يستخدمك وانت مش حاسس
انتفض من مكانه " أنا… حضرتك بتقولي إيه أنا بحب بلدي ولايمكن العدو يستخدمني
قاطعته انت أصلا مش عارف ايه اللي بيدور حوالين منها وايه اللي بيتم في العالم كله .. لازم جيلك كله يعرف ان العالم مش ماشي كده وان في ناس شريره بتخطط من زمان عشان تخدم أغراضها ودولها بس باستنزافك انت كدول ضمن دول منطقة الشرق الأوسط عشان المنطقه دي فعلا قلب العالم اللي بتوصل قاراته بعضها ببعض وسلة غذاء العالم وبالتحديد أفريقيا وفيك ثروات العالم او اغلبها فلازم تتم السيطره عليك ومش هتتم إلا لو دخلوك في انقسامات وحروب واهم حاجه انه ميكلفش نفسه دولار واحد وولا رصاصه واحده وولا يفقد روح من عنده هو عاوزك انت تأكل نفسك بنفسك والمجتمع يهاجم نفسه داخليا ويقضي علي نفسه بانقسامات او من خلال نقط ضعف اجتماعيه او نشر اشاعات او خلق حاله احباط ويأس او حالة نقمه علي طول تمهد لاحتلال عسكري بدون اي خساير زي ماحصل في العراق ودي اسمها حروب الجيل الرابع والخامس واهمها انه يخلي الجيل بتاعك بتاع الشباب تافه مخه ممسوح مشغول بالتفاهه مش عارف ولافاهم حاجه إلا " الهلس" مسلوب الهوية ومطموس " الرؤية وناقم طول الوقت شايف الوحش بس وبعدين مصر بقي موقع استراتيجي مهم وفيها كل حاجه وهي رمانة الميزان للمنطقة
صمت قليلا وقال "هو كلامك صح بس أنا بكلم داخليا .. ايوا بس في تصريحات مستفزة من مسئولين عندنا وفي حاجات غلط و وفي حاجات نفسنا تتقال زي ماهي في الشارع مش اللي عاوزه الحكومه تسمعه كأنها بتسمع نفسها وكمان أنا عاوز اشتغل لما أتخرج يمكن معاكي حق احنا مقصرين في ثقافتنا وفي القرايه وبتقلد وخلاص وفي المحافظه علي هويتنا بس احنا محتاجين لحاجات كتير ترجعنا لده بس برده فيه تقصير مننا
رددت اه طبعا مبنكرش كل اللي قلته بس برده الدوله فتحت مصانع وبتحاول تعمل حركه صناعه وتجاره عشان توظف ناس كتير وتدخل عمله صعبه ونجحت في ده في ظل مؤامرات كتير اوي وحدود مشتعله
صمت قليلا وقال معاكي حق بس برده احنا محتاجين نبطل فكره تحطونا علي طول في قفص الاتهام وإننا عاله
ابتسمت. " محدش حاطتكم انتم لازم تغيروا نفسكم لان غيركم جه لاجئ واشتغل علي نفسه وتاجر ونجح مش كل حاجه الحكومة او الدولة ومع ذلك مبعفيهاش من من مسئولياتها تجاهكم ولازم تقروا كويس جدا تاريخ اللي مش عارف تاريخ مش هيعرف حاضر ولا مستقبل وتبعدوا عن كل حاجه تافهه عشان تنموا عقلكم لان الوعي هو النجاه الوحيده زي ما الدولة والحكومه عليها كتير اتجاهكم